El pasáu 3 de Payares, el presidente de Daguestán, Mukhu Alíev, convocó un conceyu especial pa tratar los problemes de los ciudadanos d’etnia rusa residentes na República. Pesie al tonu optimista qu’exhibíen los funcionarios, paez ser que los rusos siguen colando de Daguestán, anque les cifres nun son tan elevaes como lo fueron xusto dempués del colapsu de la Xunión Soviética en 1991.

Sigún el presidente Alíev, en 1959 los rusos representaben el 20% de la población daguestaní y yéren el segundu grupu étnicu más importante d’esta multiétnica república. Por embargu, en 1989, la población d’etnia rusa quedó amenorgada al 9% de la población total de la República, y los años que siguieron, a menos del 5%. Güei, los ciudadanos d’etnia rusa ocupen la sesta posición nel rangu de les numberoses etnies esistentes al Daguestán: ávaros, darguinos, kumikos, lesguinos o laks superen en númberu a los rusos. Nel periodu comprendíu ente los dos censos rusos (1989 y 2002), la población rusa en Daguestan perdió un 27%. Viven nel Daguestán menos de 120.000 persones ruses, sigún les cifres oficiales.

Daguestán ye la mayor de les siete repúbliques que formen el Cáucasu Norte, y el 1 de Xineru de 2009 tinía una población estimada de 2,7 millones de persones. Tamién rexistra’l crecimientu más altu en númberos absolutos: nel 2008, la su población incrementóse en más de 30.000 persones. La población de la Federación Rusa, en cambiu, disminuyó en más de 300.000 persones aquel mesmu añu. La población xeneral de les repúbliques del Cáucasu Norte acércase a los 7 millones mientres la población d’etnia rusa sigue disminuyendo.

Esta tendencia a la baxa na población d’etnia rusa puede comprobase tamién n’otres repúbliques del Cáucasu Norte. El casu más notable ye Chechenia, onde les dos sangrines guerres y el periodu que les siguió de desórdenes y guerra de baxa intensidá prevocaron un amenorgamientu radical de la población rusa. Calcúlase que Chechenia perdió unes 250.000 persones d’etnia rusa ente 1989 y 2002. Sigún cifres oficiales, la población rusa en toles repúbliques del Cáucasu Norte disminuyó en 364.000 persones nesti mesmu periodu. Por embargu, los datos reales apunten a cifras superiores: los espertos opinen que’l declive en población rusa llegó a les 415.000-420.000 persones, esto ye, el 31% del total de rusos que vivíen nes repúbliques del Cáucasu Norte. En númberos absolutos, les cifres indiquen que se pasó de 1,36 millones de rusos en 1989 hasta 940.000-945.000 nel 2002.

Les diverxencies ente las cifres oficiales y les estimaciones de los espertos desplíquense porque, nel censu de 2002, consideráronse dalgunos grupos eslavos (bielorrusos) como integrantes de la etnia rusa, y tamién se contabilizaron les tropes ruses desplegaes como si fueren parte de la población llocal estable. De 1989 a 2002, el porcentaxe de población d’etnia rusa nel gruesu la población de les repúbliques del Cáucasu Norte pasó de representar un 26% a un 12-15%, mientres les poblaciones indíxenes esperimentaron un incrementu del 66% hasta superar el 80%, esto ye, en númberos absolutos, de 3,5 hasta 5,3 millones de persones www.valerytishkov.ru).

L’amenorgamientu de la población d’etnia rusa nes repúbliques del Cáucasu Norte tá siendo una cuestión persensible pal Kremlin, y pal públicu rusu en xeneral, yá que la retirada de los ciudadanos d’etnia rusa de la rexón interprétase como una perda del control sobre esta zona. Por eso’l serviciu estatal d’estadístiques vién intentando meyorar la imaxe restando importancia a esti fechu.
La guerra y la falta de seguridá de les personas señálense como les principales razones d’esti fluxu de rusos fuera del Cáucasu Norte.

De fechu, Chechenia ya Inguxetia son los dos sitios onde más disminuyó la población rusa, y, anguñu, prácticamente nun hai rusos que residan allí, si esceptuamos a los militares rusos. La economía de la rexón, baxo mínimos, ye otru factor importante qu’impulsó la marcha de los ciudadanos de etnia rusa. De fechu, nun sólo los ciudadanos d’etnia rusa marcharon del Cáucasu buscando meyores oportunidaes económiques, tamién lo ficieron otros pueblos orixinarios del Cáucasu Norte.

Una de les principales causes del amenorgamientu de la población rusa del Cáucasu Norte pasa desapercibía davezu. Mientres crez la conciencia d’identidá de los pueblos indíxenes y’l su nivel educativu prácticamente igualóse al del restu de Rusia, nun quedó dengún espaciu social pa los ciudadanos d’etnia rusa. Eso sinifica, de fechu, que pesie a los progresos que pueda haber nun futuru prósimu, tanto si meyora como si non la seguridá y la situación económica nel Cáucasu Norte, difícilmente sedrá posible revertir la tendencia.

La única mena de camudar esta inclinación a marchar sedría pacificar realmente la rexón y facer importantes inversiones col finxu d’incentivar a los ciudadanos d’etnia rusa a volver a instalase na zona. Pero incluso si Moscú consiguiere apaciguar el Cáucasu, habría dar rempuesta a tantes otres prioridaes económiques que, difícilmente, el Cáucasu entraría na llista.

Comments

Sigún fontes d’Ichkeria.info, dellos homes armaos y encaperuzaos inrumpieron nel apartamentu del refuxáu chechenu Arbi B. y menaciaron a la su familia, durante la nuechi del 11 Payares, en Bakú capital d’Azerbayán.

Cuando Arbi vio a los homes armaos, saltó pela ventana de la su casa, nun segundu pisu, y entamó la fuxida de la persecución. Los encaperuzaos golpearon a la su esposa y afirmaron que, si nun topaben a Arbi cuando volvieren la prósima vez, diben matala a ella y a los 3 fíos.

Dempués del incidente, Arbi y la su familia escondierónse en casa d’unos collacios. Arbi y la su muyer creen que los atacantes son miembros d’un grupu del títere Kadirov, que fueron enviaos pa eliminar a dalgunos refuxaos chechenos n’Azerbayán. L’oxetivu del ataque podría ser prindar a Arbi y ponelu en manes del sangrín réxime títere en Chechenia.

Los refuxaos chechenos n’Azerbayán rellaciones esti ataque cola visita del títere Kadirov a Azerbayán.

Comments

Los 3 casos referíense a denuncies de los demandantes de que los sus familiares allegaos desapaecieron en Chechenia dempués de ser deteníos por soldaos rusos, informó’l Tribunal Européu de Drechos Humanos.

Mairudin Khantiyev, de 37 años, foi prindáu por un grupu armáu d’homes con uniformes de camuflaxe en Grozni, la capital de Chechenia, n’Avientu del 2000.

Yusup Sabatayev, de 32 años, y Kazbek Vakhayev, de 35, fueron arrestaos el 23 de Febreru y el 1 d’Agostu de 2000 respectivamente.

Sigún el Tribunal, anque’l Gobiernu rusu admitió la detención tanto de Satabayev como de Vakhayev, nun foi quién a apurrir documentu degún que confirmare los sus arrestos y la posterior detención o puesta en llibertá.

“Los demandantes aseguraron que los sus familiares nunca nun fueron puestos en llibertá, y reconocieron nunes imáxenes de vídeu los cuerpos de los sus familiares, que fueron atopaos cerca de la localidá de Goy-Chu”, afirma’l Tribunal.

El Tribunal acusó a les autoridaes ruses d’un usu inxustificáu de “fuercia lletal polos sus axentes” ya incumplimientu de les sus obligaciones con resultáu de muerte. Tamién atopó que Rusia nun llevó a cabu investigaciones efectives sobre les tres desapaiciones.

Asina, el Tribunal consideró que los demandantes habrán ser indemnizaos con 114.000 euros por daños, y con otros 16.540 euros polos costes y gastos del xuiciu.

Comments

Cuatro ciudadanos de la República Chechena d’Ichkeria fueron secuestraos y torturaos por miembros del grupu local del FSB en Chechenia.

Sigún fontes d’Ichkeria.info, el pasáu 21 d’Ochobre miembros del FSB ficieron una redada na localidá de Benoy, nel distritu chechenu de Nozhai Yurt. A primer hora de la mañana, Timur Khadzhimuradov (de 23 años) y Askhab Lepiev (de 21 años) fueron secuestraos nes sus cases por miembros del FSB.

Askhab Lepiev foi lliberáu’l 23 d’Ochobre. Cuando volvió a casa, los sus familiares malpenes pudieron reconocelu poles tortures a les que-y sometieron los terroristes del FSB. Askhab Lepiev foi golpeáu y y torturáu con descargues llétriques durante dos díes. Tenía les costielles rotes y numberoses contusiones. Anguañu tá a baxo tratamientu mélicu.

D’otra banda, desconózse’l paraderu de Timur Khadzimuradov, pero sigún delles informaciones nun confirmaes, Timur sigue nes manes de los executores del FSB en Nozhai Yurt y sufriendo tortures.

Antes, el 16 d’Ochobre, miembros del FSB arrestaron al imán de la mezquita de la localidá, Visit Magomadov (de 32 años) y al su primu, cuyu nome ye Adam (de 24 años). Fueron torturaos y humildaos durante 4 díes pol FSB. Dempués de dos díes fueron lliberaos y anguañu dambes víctimes tán hospitalizaos en Nozhai Yurt.

El FSB afirmó qu’estes persones tienen simpatíes hacia la resistencia de la nación chechena contra les fuercies d’ocupación ruses y que probablemente se xunan a ella, polo qu’ésta podría ser la razón de los secuestros y tortures.

Comments

El Tribunal Européu de Drechos Humanos condergó’l pasáu xueves a Rusia a indemizar con 37.000 euros a los familiares d’un chechenu que foi secuestráu en 2001.

La familia de Khizir Tepsurkayev, secuestráu n’Urus Martan en 2001, denunció los fechos delles vegaes énte los tribunales rusos antes de poner una denuncia nel Tribunal d’Estrasburgu acusando a Rusia de nun llevar a cabu una investigación efectiva p’atopar a los culpables.

La investigación afitó que Khizir foi secuestráu pol Exércitu rusu dientru d’una operación de seguridá nuna localidá que taba baxo control total de les fuercies federales ruses.

El tribunal declara que’l Gobiernu rusu nun presentó denguna evidencia que pudiere impugnar esta sentencia.

Rusia vién perdiendo la mayoría los casos interpuestos contra ella nel Tribunal d’Estrasburgu. En 2008 el Tribunal asoleyó 245 sentencies contra Rusia. Amás, alredor del 20% de les denuncies presentaes nesti tribunal na última decada conciernen a Rusia.

Secuestren a dos muyeres y a los sus fíos

Per otru lláu, sigún informa la web waynakh.com, dos muyeres y los sus fíos fueron secuestraos fai dellos díes por homes de Kadyrov.

Sigún fontes llocales, el pasáu 23 de Xunetu un grupu armáu d’homes de Kadyrov secuestraron a dos muyeres y a los sus fíos na llocalidá chechena d’Achkoy Martan. Una d’estes muyeres ye la esposa d’un guerrilleru chechenu y ella mesma pidió asilu n’Austria. Pero mientres llegaba y non la rempuesta, la muyer decidió denunciar los abusos del sanguinariu réximen de Kadyrov y volvió a Chechenia. Nun hai datos hasta’l momentu sobre’l su paraderu.

Comments

Urtzi URRUTIKOETXEA, GARA

Nun ye fácil intentar perpasar el llímite d’una población aterrorizada que nun gana nada y tién muncho que perder falando con periodistes estranxeros. Na sede de Memorial preséntase un home al que l’enfadu impidi-y callar. Son los propios miembros d’esta organización de drechos humanos los que-y alvierten de les consecuencies y dirixen la conversación pola senda’l anonimatu. Diremos que l’home, d’unos cincuenta años, llegó del pueblu de Shali, onde acaba tener llugar una zachistka (operación especial). L’home nun se quexa de que los kadirovtsi, los homes armaos del presidente, entregáran-yos el cuerpu torturáu del su sobrín, supuestamente miembru de la guerrilla. Asume la retórica del gobiernu, repetía durante estos díes por Ramzan Kadirov: «Nun vamos garrar prisioneros, vamos destruilos. Mientres esistan, habrá sangre». La quexa de Zurab (nome ficticiu) ye que dempués d’entregar el calabre del supuestu militante los kadirovtsi dieron-y una paliza al su pá: «¿Qué culpa tinía’l mio hermanu?».

Nesta misma sede de Memorial trabayaba Natalia Estemirova compilando los datos de desapaiciones, ufriendo ayuda llegal a les víctimes y denunciando la impunidá del gobiernu de Ramzan Kadirov. Díes más tarde de la nuesa visita, el pasáu miércoles 15 de Xunetu, foi secuestrada a plena lluz del día xunto a la su residencia en Grozni p’apaecer muerta a les poques hores na vecina Ingushetia, con tiros na tiesta y nel pechu. Oleg Orlov, director de Memorial en Moscú, tiénlo claro: «Sé, toi seguru de quién ye’l culpable del asesinatu, el su nome ye Ramzan Kadirov. Yá la hubiera menaciao, insultao, la considerábala la su enemiga personal. Nun sabemos si él mesmu dio la orden o ficiéronlo los sus collaboradores pa complacer al xefe».
El comunicáu oficial de Memorial añade lo que vién darréu: «Agora queremos llamar a les coses pol su nome: en Rusia reina’l terror d’Estáu. Sabemos qu’hai asesinatos dientro y fuera de Chechenia. Maten a los qu’intenten dicir la verdá, a los que critiquen a les autoridaes. Ramzan Kadirov fae imposible el trabayu de los activistes en Chechenia. Los que mataron a Natasha queríen cerrar esti fluxu d’información verídica que salía de Chechenia».

Denuncies constantes

El presidente niégalo, naturalmente, y promete investigar, «de manera oficial y estraoficial, siguiendo les nueses tradiciones». La mesma escusa, la tradición, sirve pa un rotu que pa un descosíu: pa saltase toles lleis de Chechenia, de Rusia ya internacionales y secuestrar, torturar y executar sumariamente a persones acusaes de ser guerrilleres, como pa castigar colectivamente a les sus families incendiando les sus cases. Precisamente Memorial y Human Rights Watch acaben de denunciar la vuelta de tuerca que Kadirov tá dando a la contrainsurxencia, atacando a los familiares de los boieviki (lluchadores), nun yá como táctica de guerra sucia estraoficial sino xactándose d’ella: son continuos los anuncios na televisión oficial menaciando a tola población de les terribles consecuencies de «nun controlar a los fíos».

Natalia Estemirova foi una de les perpoques voces que denunció la impunidá del réximen de Kadirov. Énte la insultante imaxen de normalidá qu’intenta vender al mundiu, la valiente activista (compañera íntima d’Anna Politkvoskaya, periodista rusa muerta a tiros en 2006 a la que acompañó en bien de viaxes pela república) nun dexó d’asoleyar y denunciar la realidá de Chechenia. Y fízolo hasta’l día la su muerte: la víspera intentó aconceyar, xunto a la responsable del Comité d’Asistencia Civil Svetlana Gannushkina, con Masjud Abdullayev, deportáu recientemente dende Exiptu. El su pá, Supian Abdullayev, ye’l segundu, tres de Doka Umarov, na guerrilla islamista que reivindica l’Emiratu del Cáucasu. Esi mesmu llunes, Estemirova denunció cómo los homes de Kadirov entregaron el cuerpu d’una moza a la su familia cola orden de que la enterraren «ensin facer ruíu». Estemirova informó a la publicación «Kavkazkii Uzel» de que «a primeros de Xunu Madina Yunusova, ñacía en 1989, nun volvió a casa y dixo a los sus padres que se casara. El 3 de Xunetuo ingresó nel 9º hospital de Grozni una moza fería de gravedá. Tuvo dos díes nuna xunidá separtada baxo vixilancia. Dalguién reconocióla, y díxo-ylo a los sus familiares. Les sus dos tíes vinieron pero nun-yos permitieron falar con Madina». El 4 de Xunetu dalgunos axentes personáronse na casa de la familia, encerraron a los pás y les dos hermanes pequeñes de Madina na sala de calderes y prendiéron-y fueu a la casa. Consiguieron apagar el fueu gracies a un vecín, pero al día siguiente «los axentes, que nun se presentaron como tales, traxeron el cuerpu de Madina envueltu nuna mortaxa. Nun-yos permitieron abrira y ordenaron qu’enterraren a la moza ensin facer ruíu». Natalia Estemirova tamién reveló la execución pública d’una persona ocurría’l 7 de Xunetu nel pueblu d’Akhinchu-Borzov.

Mieu

Percorremos la ciudá. A pocos metros de la sede de Memorial, l’antigua avenida de la Victoria ye anguañu avenía Vladimir Putin. Ramzan Kadirov dio-y esi nome l’añu pasáu. El responsable del entamu de la segunda guerra y les sus consecuencies en Chechenia, el restu’l Cáucasu y tola Federación Rusa ye recordáu na principal arteria de Grozni, ente semeyes y lemes qu’afalaguen al presidente actual y al su pá, impuestu por Moscú y muertu n’atentáu de los independentistes en 2004.

La reconstrucción espárdese per tou Grozni, centenares de grúes llevanten sobre les ruines d’una ciudá que foi arrasada dafechu. Son munchos los restos de metralla nos edificios, pero van desapaeciendo a grandes pasos. Resulta chocante que munchos de los obreros de la nueva capital chechena seyan emigrantes d’Azerbayán y otres ex repúbliques soviétiques, mientres la tasa real de paru qu’esiste en Chechenia supera con creces el 70% de la población activa.
Llegamos a un barriu de les afueres. El mozu pídenos que lu llamemos Aslan; «ési yera’l nome del mi torturador». Les sus muñeques muestren l’intentu de suicidiu del su últimu secuestru. «La primer vez foi n’Inguxetia. Taba en casa mi güela cuando se produxo una zachistka. Como nun tinía allí los mis documentos, prindáronme. Tuve un día en Magas y al día siguiente lleváronme n’helicóteru a Osetia’l Norte». Allí tuvo seyes meses, nun gran furacu escaváu na tierra «a una profundidá de tres metros, col agua hasta les rodíes. «Interrogáronme, golpeáronme con bates, torturáronme con ellectrodos y menaciáronme con matar a tola mi familia si nun almitía haber participao nel secuestru de Beslán». Quedó en llibertá a los seyes meses gracies al llabor d’un organismu de drechos humanos, cuando los sus familiares yá teníen cellebráu’l su funeral. «Alcontraron en Pervomaiskaya tres cuerpos enterraos y úno d’ellos paecíase muncho a mí».

Mentir por instintu

Fai un añu repitióse l’infiernu. «Acababa de volver del trabayu cuando asaltaron la casa, entrugáronme’l nome y secuestráronme. Metiéronme nun coche con una bolsa na tiesta y repitiéronse les tortures, con multitú d’interrogatorios. Pero esta vez yéren chechenos». Los xueces nunca-yos ficieron el menor casu a les sus feríes, «riéronse claramente de les mis marques, diciéndome que me pelearía con otros prisioneros. Pidí-yos que me esaminare un mélicu, y se negáronse». Asina, Aslan túvolo claro cuando alcontró una cuchiella de afeitar: «Cuando pierdes tola esperanza, el suicidiu paez la meyor salida».

Aslan fala de lo guapa que tá la ciudá «gracies al nuesu presidente». L’instintu de supervivencia, mecíu col terror hacia cualesquier vecín, faen repetir la coletuca oficial. Intentamos face-y ver que puede espresase con llibertá, que nun vamos mostrar la su cara. «Si nun fuere pola mio familia, poles menacies que llancen ca día na televisión, agora mesmo xuniríame a los mozos na montaña».
L’añu pasáu la detención y muerte d’un disparu na tiesta mientres taba nel coche policial de Magomed Yevloyev, llíder opositor y dueñu de la páxina d’internet ingushetia.org. prevocó una fola protestes qu’acabó col cese del gobiernu de Murat Ziazikov na república d’Inguxetia. El déu acusaor nel últimu crimen de Chechenia apunta claramente al presidente prorrusu. No paez que la «indignación» qu’espresó Dimitri Medvedev-y vaiga llevar a tantu en Chechenia, pero la su credibilidá tamién tá n’entedicho.

Medvedev

El presidente rusu, Dimitri Medvedev, reconoció ayeri que la situación nel Cáucasu Norte sigue siendo «mui mui difícil» y encamentó al Exércitu rusu, a les policíes de cada república y a los servicios de seguridá a una meyor coordinación.

Crasu error
Los analistes aseguren que’l Kremlin cometió un grave error al nun adaptase a la decisión de la guerrilla d’esparder el conflictu fuera de Chechenia y a la su nueva estratexa, qu’opera en pequeños grupos con gran movilidá.

Inguxetia

Tovía convaleciente de les graves feríes tres del atentáu de finales de Xunu, el presidente d’Inguxetia, Iunus-Bek Evkurov, rompió’l su silenciu pa prometer que «elliminaremos» a los rebeldes que nun depongan les armes.

Comments

La organización en defensa de los drechos humanos Memoria va suspender la su actividá en Chechenia tres el secuestru y asesinatu de la su miembro Natalia Estemoriva.

Sigún afirmó güei Alexander Cherkasov, miembru del Comité Executivu de Memorial, “sabiendo que lo que facemos puede suponer un peligru mortal pa la nuesa xente, nun podemos correr esi riesgu”. Cherkasov nun especificó cuántu tiempu va prolongase esta suspensión, pero afirmó que la decisión tá rellacionada, ente otres coses, cola consternación pola muerte de Natalia Estemirova, miembru de Memorial, sigún informa l’Axencia Interfax.

Oleg Orlov, cabezaleru de Memorial, manifestó pela su parte que la decisión sobre la suspensión temporal del trabayu de la su organización en Chechenia adoptóse na tarde del 17 Xunetu pola Dirección de Memorial.

Unos desconocíos intenten parar el cortexu funerariu d’Estemirova en Chechenia

Per otru lláu, nel trescursu de la ceremonia de despidía de la conocía defensora de los drechos humanos Natalia Estemirova, asesinada’l pasáu día 15, dos homes vestíos de civiles, ún de los cuálos portaba un arma, intentaron parar la comitiva que percorría l’Avenida Putin en Grozni xunto col féretru d’Estemirova.

“QuerÍemos llevar el cuerpu de Natalia Estemirova pela Avenida Putin dende la Plaza de l’Amistá ente los Pueblos, na que tá asitiada la oficina de Memorial en Grozni, hasta la mezquita central de Grozni”, afirmó al corresponsal de Caucasian Knot una de les participantes nel actu, qu’añadió que “queríemos rendi-y un tributu d’esa manera”.

“Caminemos unos 300 metros cuando un coche paró cerca, y salieron dos homes d’él, ún d’ellos con una pistola nel cinturón. Diben vestíos de civil. Con voz alta ya irritada, ún d’ellos pidió desplicaciones de por qué’l funeral taba organizáu asina y de que quién diera permisu pa llevalu a cabu”, afirma la mesma participante, que aseguró que l’incidente duró menos de cinco minutos.

Y añade que “caminemos unes cuántes manzanes más y cuando’l coche col cuerpu de Natasha arrancó, entamemos a dispersanos. Entos volvieron apaecer los homes qu’intentaron parar la nuesa comitiva. Ficieron unes llamaes y apaeció dalgún policía, col qu’entamaron a falar. Pero nesti casu los coches colaron tamién, y los participantes nel actu (unes cien persones) dispersáronse. Nun pudimos llegar a la mezquita, pero por suerte, vimos a Natasha, como queríemos”.

Los participantes na ceremonia de despidía de Natalia Estemirova destacaron tamién que a la mesma nun asistió dengún representante de les autoridaes locales. Nin siquier l’Ombudsman (Defensor del Pueblu) de la República de Chechenia, Nurdi Nukhazhiev, pesie a qu’Estemoriva yera miembru de la Mesa d’Espertos de la Defensoría del Pueblu rusa pa la República de Chechenia y observadora de la Comisión de control públicu pa la observancia de los drechos humanos en centros de detención y asistencia a deteníos y presos.

Comments

Anzor Umakhanov, nacíu en 1977, y la su familia vivién en Khasavyurt, una ciudá de Daguestán. Ayudaben a families qu’escapaben del conflictu en Chechenia y tamién a guerrilleros chechenos dándo-yos abellugu. Anzor foi arrestáu pola policía en Daguestán por ayudar a los guerrilleros y foi torturáu. Dempués de la su puesta en llibertá, Anzor y la su familia viaxaron a Francia, onde pidieron asilu en 2004. La su petición foi refugada y Anzor foi arrestáu el pasáu 7 de Xunetu. Sigún delles fontes, les autoridaes franceses entamaron el procedimientu pa deportalu a Rusia.

La su familia y amistaes convocaron na concentración el pasáu 15 de Xunetu. Los defensores de drechos humanos denunciaron la situación d’Anzor. Aseguraron que, si Anzor ye espulsáu finalmente a Rusia, les autoridaes ruses van encarcelalu pola ayuda ufrida a los guerrilleros chechenos y que va ser torturáu y qu’incluso podría perder la vida en prisión, asina que Francia tién que replantegase la su decisión.

Comments

El Tribunal Européu de Drechos Humanos condergó esti xueves a Rusia a pagar 50.000 euros d’indemnización a los familiares d’un chechenu secuestráu en 2003.

Los familiares d’Arbi Karimov, secuestráu cerca de Grozni en 2003, acudieron a los tribunales rusos delles vegaes antes d’interponer una denuncia énte’l Tribunal Européu de Drechos Humanos acusando a Rusia de nun llevar a cabu una investigación efectiva p’alcontrar a los culpables.

Unes 20 persones armaes secuestraron a Karimov na su casa, asitiada nuna localidá que taba baxo un control total de les fuercies federales ruses, llevando tamién efectos personales y documentos. El paraderu de Karimov nunca nun foi determináu.

“Pesie a los reiteraos llamaos del tribunal, el gobiernu nunca nun reveló documentu dengún sobre’l casu, alegando la incompatibilidá d’una midía d’esta triba cola llexislación interna, yá que’l casu tá abiertu”, afirma’l Tribunal na su nota prensa.

El Tribunal asegura que Karimov foi secuestrau “por funcionarios estatales durante una operación de seguridá non reconocía”.

Rusia foi condergada a indemnizar a los familiares de Karimov con 35.000 por daños morales, 10.000 euros por daños materiales y con 5.500 euros pa sufragar les costes del xuiciu.

La sentencia puede recurrise na Sala Suprema del Tribunal nos siguientes 3 meses dende la publicación de la sentencia.

Rusia perdió la mayoría de los xuicios na su contra interpuestos nel tribunal con sede n’Estrasburgu. En 2008 el Tribunal dictaminó 245 sentencies contra Rusia. Amás, el 20% del total de les denuncies interpuestes n’esti tribunal durante la última década taben involucraben a Rusia.

Comments

Güei asesinaron a la nuesa collacia y colega, una persona percercana.

Durante casi 10 años Natasha trabayó pa Memorial nel Cáucasu Norte, centrándose especialmente en Chechenia. Natasha nun se dedicaba sólo a recoyer información sobre violaciones de los drechos humanos na zona: yéra una Activista con mayúscules, una gran defensora del Pueblu. Mientres los habitantes de Chechenia se convertíen en víctimes de bombardeos, de “llimpieces”, de secuestros y tortures, Natasha intentaba ayudalos a toos. Desixía un imposible a les autoridaes: acabar cola impunidá. De xemes en cuando consiguíalo. Sentise segura de los sus razonamientos y del drechu que la amparaba-y daba fuercies. Esti trabayu fizo que Natasha fuere conocía en toa Chechenia. Atraía a la xente que buscaba protección, anque fuere pa intentar que la impunidá nun quedare silenciada.

Munches vegaes foi menaciada por funcionarios de diferentes graos, pero ella nun quería dexar el su trabayu en Chechenia, la su patria.

Oleg Orlov, presidente del Conseyu de la organización Memoria, afirma al respectu:

“Sé, de xuru, quien ye’l culpable de la muerte de Natasha Estemirova. Toos conocemos a esta persona. Llámase Ramzan Kadirov, ye’l Presidente de la República de Chechenia. Ramzan menació a Natasha, insultábala constantemente, considerábala la su enemiga personal. Desconocemos si foi él quien ordenó l’asesinatu de Natasha o fueron los sus conseyeros más prósimos pa complacelu. Y mientres tantu, paez que al Presidente Medvedev-y va vinir bien tener a un asesín dirixendo una de les repúbliques que formen parte de la Federación Rusa.

Cuando Natasha criticó que les autoridaes obligaben a les moces chechenes a poner un pañuelu na tiesta en llugares públicos, mantuvo una conversación con Kadirov. Desplicó que Kadirov menacióla y pronunció les siguientes pallabres: “sí, tengo les manes manchaes de sangre, y nun me da vergoña. Maté y siguiré matando a xente mala. Tamos lluchando contra los enemigos de la República”.

Los últimos informes de Natasha, que denunciaben nuevos secuestros, execuciones estraxudiciales y fusilamientos públicos, indignaron a les autoridaes chechenes. Asina-yo aseguraba al director de la nuesa oficina en Grozni el supuestu Defensor del Pueblu chechenu, Nurdi Nukhadzhiev. Dixo que nun quería que pasare nada, y por eso habia que criticar y “reprender” a los defensores de los drechos humanos.

Asumimos un riesgo que resultó inxustificáu. Y sentímonos mui culpables.

Agora queremos falar llamando a les coses pol su nome: en Rusia reina’l terrorismu d’Estáu. Sabemos que se producen asesinatos dientru y fuera de Chechenia. Maten a los qu’intenten dicir la verdá, a los que critiquen a les autoridaes. Ramzan Kadirov fizo imposible’l trabayu de los activistes en Chechenia. Los que mataron a Natasha queríen parar esti fluxu d’información verídica que salía de Chechenia.

Y puede que lo consiguieren.

Comments

Una conocía activista rusa que investigaba secuestros, asesinatos y otres violaciones de los Drechos Humanos foi alcontrada muerta esti miércoles, hores dempués de ser secuestrada na capital chechena, sigún informaron fuentes policiales y de la su organización.

El cuerpu de Natalya Estemirova apaeció n’Inguxetia, república asitiada al oeste de Chechenia, informó Oleg Orlov, cabezaleru de Memorial, la su organización, a Associated Press. El cuerpu tenía dos feríes de bala na tiesta y foi atopáu non mui lloñe de la principal ciudá ingux, Nazrán, afirmó la vocera del Ministeriu del Interior d’Inguxetia, Madina Khadziyeva.

Orlov afirmó tamién que cuatro homes obligaron a Estemirova a metese nun coche na capital chechena, Grozni, el miércoles. Sigún la so versión, dellos testigos afirmaron que la víctima glayó que taben secuestrándola.

Estemirova, que foi madre soltera con poco más de 40 años, compiló prebes de los abusos a los drechos humanos en Chechenia dende l’entamu de la segunda guerra en 1999.

Trabayó tamién cola periodista d’Investigación Anna Politkovskaya, otra persona crítica cola guerra rusa contra los independentistes nel Cáucasu, y que foi asesinada nel su apartamentu de Moscú en 2006, y con Stanislav Markelov, conocíu abogáu y críticu coles violaciones de los drechos humanos en Chechenia, que foi asesináu nuna cai de Moscú el pasáu Xineru.

L’asesinatu del miércoles enmárcase na espiral de violencia que sufre’l Cáucasu Norte, que ye especialmente grave nos últimos meses n’Inguxetia.

Comments

FrontPage entrevista nesta ocasión a Yelena Maglevannaya, una periodista de Volvograo que pidió asilu políticu en Finlandia fai delles selmanes. Sufre persecución en Rusia por escribir sobre les tortures a chechenos en prisones ruses. Tamién fizo campaña en defensa de presos políticos como Mikhail Trepashkin, y desixó la derogación de les Lleis de Xunetu de 2006 que permiten al Kremlin asesinar a los enemigos de Rusia, amás de xestionar una web dedicada a la memoria d’Alexander Litvinenko.

Fálanos de los fechos que te ficieron colar de Rusia.

La principal razón pola que decidí colar de Rusia foi la menacia a la mio llibertá, incluso a la mio vida, si yo quedaba allí. Les autoridaes taben fabricando cargos penales contra mí desque refugué acatar la inxusta sentencia xudicial d’asoleyar una refutación de los mis artículos y pagar “daños y perxuicios por difamacion” a los guardies de la prisión. Amás, recibí menacies d’organizaciones nacionalistes ruses, yá que yo defendía los drechos de los chechenos, “enemigos de Rusia”. El FSB citóme en delles ocasiones por “entrevistes” y alvirtióme de que podría correr un gran peligru si nun dexaba de facer eses entrevistes. Too esto llevóme a tomar la decisión de colar.

¿Qué clas de cargos penales fueron fabricaos na tu contra?

Los cargos fueron que yo difamé contra l’alministración del campu de prisioneros LIU-15, en Volvograo. Nos mios artículos yo afirmé, la verdá, que los guardes del campu golpearan repetidamente a un prisioneru proviniente de Chechenia, Zubair Zubairaev. Por embargu, l’alministración del campu denuncióme. La “independencia” de los tribunales rusos ye bien conocía polo que, por supuesto, ganaron el xuiciu. Fí condergada a retractame de los mios artículos y a pagar 200.000 rublos (4.430 euros) por daños a los guardies de la prisión. Yo neguéme dafechu a cumplir esta sentencia.

Por cierto, fai poco enteréme de que punxeron una denuncia asemeyada contra Malika Zubairaeva, la hermana de Zubair.

¿De qué forma son violaos los drechos de los chechenos?

Violación de drechos ye una descripción persuave. Los chechenos son golpeaos colos pies clavaos en suelu, como nel casu del citáu Zubair Zubairaev, empalaos con barres de fierru y atacaos con perros de presa, como nel casu d’Islam Taipov nel campu de prisioneros IK-3, en Tomsk. A Zaurbek Talkhigov, encarceláu por intentar mediar nel rescate de los rehenes del Nord-Ost, ñegóse-y una operación quirúrxica vital o cualesquier tratamientu mélicu cuando taba gravemente enfermu. Nun fai falta recordar que pasen casi tola conderga en celdes de castigu, nunes condiciones escandalosamente dures con fríu y humedá.

¿Por qué tá oprimiendo’l Gobiernu rusu a los chechenos?

Anque los llíderes rusos vienen constantemente afirmando que les aiciones militares en Chechenia yá acabaron, los chechenos siguen siendo trataos en Rusia como enemigos. Cuando son encarcelaos, davezu son custodiaos por xente que lluchó contra ellos nes tropes federales durante la guerra, y anguañu trabayen nos campos de prisioneros. Por instintu los antiguos verdugos anguañu abusen de los indefensos chechenos.

Per otru lláu, yá sintí delles vegaes de dellos funcionarios del Serviciu Penitenciariu Federal, asina como de los propios prisioneros chechenos, que los más altos cargos de Rusia dieron órdenes de destruyir a los presos chechenos. Asina, el xefe del campu de prisioneros IK-25 díxo-y a Zubairaev que teníen órdenes de destruyir a los mozos chechenos nes prisiones, y que dempués la nación apagaríase ella sola.

¿Qué menacia suponen los chechenos pa Rusia?

Nun creo que los chechenos constituyan una menacia pa Rusia en dengún sen. ¿Qué tipu de menacia pueden ser? Namás quieren ser llibre, vivir la so propia vida independiente de Rusia. Pero la sociedá rusa, por supuesto por influencia principalmente de la propaganda oficial, ve a los chechenos como enemigos, como una menacia. Les autoridaes usen constantemente los medios pa imponer una visión de tola nación chechena como una nación de gangsters y terroristes. Nun ye d’estrañar qu’esta opinión seya compartía agora pola mayoría de la población rusa.

Por embargu, tá lloñe de la realidá el fechu de que los chechenos seyan culpables de los más notorios ataques terroristes atribuyíos a ellos, como los españíos de los bloques d’apartamentos en Moscú o l’infame ataque en Beslán. Shamil Basayev reivindicó l’autoría del ataque terrorista en Beslán cuando yá pasara un tiempu. Ye posible que lo ficiera baxo presión o a cambiu de delles proemses de les autoridaes ruses. Una montonera xente en Rusia afirma abiertamente que los servicios secretos rusos tuvieron involucraos nestos ataques terroristes.

Bien, ¿entós qué menacia supón la independencia de Chechenia pa Rusia? Evidentemente supón dalgún tipu de menacia pa los intereses de Putin, ¿cuálos son esos intereses? El réximen de Putin persigue a los chechenos por dalgo más que vagues ya indiscriminaes razones. Los chechenos son oxetivu porque nes mentes del réximen de Putin ellos suponen una menacia. ¿Cuála ye esta menacia? ¿Cómo puede la Rusia de Putin creer que la independencia de Chechenia diba perxudicar a Rusia? ¿Qué tién Chechenia pa que Rusia necesite tenela baxo’l su control?

Los chechenos son un pelligru, lo primero de too, porque aspiren a la llibertá. Son una nación que nunca foi esclavizada, y el réximen de Putin prefier a la xente con mentalidá esclava.

Una Chechenia independiente volveríase próspera bien ceo. Los chechenos nacieron constructores, creadores, con ganes y capacidá pa trabayar duro y p’algamar una vida buena y saludable. Chechenia foi reducía a escombros munches vegaes, pero a la mínima oportunidá volvieron a llevantase, a recostruyir el su país. Faerán grandes y sólidos edificios de cinco o seyes plantes pa velos destruyíos durante la prósima agresión rusa. Esto pesie al fechu de que Chechenia nunca nun foi realmente llibre, sinon que siempres tuvo baxo la bota del so vecín del norte.

Per otru lláu, una Chechenia independiente podría ser un exemplu de democracia xenuina, porque los chechenos nun tienen tradición d’obedecer a dictadores. Dende’l puntu de vista del réximen rusu, esto diba ser un mal exemplu pa los rusos: una república llibre y próspera vecina de la probe y tradicionalmente oprimía Rusia.

P’acabar, los chechenos inclináronse siempre hacia Occidente, lo que ye mortal pal réximen rusu. Occidente tá equivocándose al presta-yos tan poca atención a los chechenos. Mientres Rusia tá intentando presentalos como fanáticos reaccionarios, en realidá son una nación con una cultura perfectamente europea y unes tradiciones democrátiques bien enraigonaes, que quier vivir sigún los estándares occidentales. Por ello, cuando munchos países occidentales cierren les sus fronteres a los refuxaos de Chechenia, tán cometiendo un error. Los chechenos son aliaos naturales d’Occidente, y por eso l’actual réximen ruso los ve como una menacia.

¿Cuálu ye’l nivel de persecución de los periodistes y activistes polos drechos humanos en Rusia?

El periodismu honestu convirtióse en prácticamente imposible na Rusia d’anguañu. Los periodistes tán siendo asesinaos (Anna Politkovskaya foi’l casu más conocíu, pero non l’únicu), golpeaos, encarcelaos… Fai poques feches hebio un casu escandalosu n’Ulyanovsk, cuando’l periodista Sergei Krukov foi secuestráu en su casa. Frayaron la su puerta, y foi sacáu de casa.

Namás aquellos periodistes que sirven al réximen pueden disfrutar de la su vida. Y lo mesmo podemos dicir de los activistes polos drechos humanos.

Fai poco en Yekaterinburg, l’activista polos drechos de los presos Alexei Sokolov foi arrestáu baxo unes acusaciones falseaes. Y la situación ta poniéndose cada vuelta peor.

¿Cuálu ye’l paraderu de Sergei Krukov y Alexei Sokolov? ¿qué-yos pasó?

Alexei Sokolov foi arrestáu el 13 de Mayu y sigue deteníu. Ensin dulda, esto pasó como venganza poles sos actividaes en pro de los drechos humanos. Más recientemente, otros dos activistes polos drechos humanos, Gleb Edelev y Vyacheslav Bashkov, fueron deteníos tamién n’Ekaterimburgu. Fueron acusaos de convocar protestes non autorizaes, y tuvieron deteníos hasta qu’acabó la cumbre de la Organización de Cooperación de Xangai n’Ekaterimburgu.

El paraderu de Sergei Krukov podría ser incluso más tráxicu. Nun hai noticies d’él dende’l 21 d’Abril, cuando’l su apartamentu foi asaltáu y él foi prindáu y lleváu nuna dirección desconocía. Quiciavis fuera treslladáu a un hospital siquiátricu d’alta seguridá. Poco dempués de la su detención, la Fiscalía emitió una orden pa face-y un examen siquiátricu forzosu.

¿Qué nos puedes dicir sobre les tortures y la situación xeneral nes prisiones ruses?

La tortura ye daqué endémico nes nuestres prisiones. Nun toi falando sólo de duros golpes, sinon de métodos braeramente sádicos de tortura: los prisioneros son atacaos por perros de caza, empalaos con barres de fierru, y los sus pies clavaos en suelu. Tolos presos sufren humildaciones, pero amás ciertos grupos –musulmanes, xentes del Cáucasu, y particularmente los chechenos- son los más odiaos.

Les condiciones en prisión son horribles. Les celdes son pequeñes y tán saturaes, asfisiantes pel branu y fríes y húmedes n’iviernu. Pero, por supuesto, lo peor de too ye la constante humildación pola parte de los carceleros. Tan a menudu que lleva lliteralmente a la xente al suicidiu. Quince años en prisión consideráse lo mesmo qu’un conderga perpetua.

¿Por qué ye tan prevalente’l sadismu nes cárceles ruses? Sí, ye parte de la condición humana cuando la xente siéntese con poder sobre otres persones. ¿Ye dalgo que reflexa cómo ye’l réximen de Putin? La tortura nun ocurre pesie a Putin sinon gracies a él, ¿verdá? La inhumanidá espárdese dende’l réximen hasta’l sistema penitenciariu.

Sí, asina ye. Putin paez ser mui cruel o, pa ser más precisos, un home despiadao, ensin corazón. ¿Alcordáisvos de la su infame rempuesta: “fundió”, dempués del desastre del submarín Kursk, nel que morrió tola su tripulación? ¿y la so reacción a los asesinatos de Politkovskaya y Litvinenko, cuando lliteralmente escupió les pallabres de condolencia? ¿o cuando llamó a un guerrilleru chechenu cautivu “un animal”? ¿ y qué dicir de los sus chistes de que’l fedor de los cuerpos y los calabozos de Lubyanka llega a un kilómetru de distancia? Eso por nun falar del so llamáu a “usalos nun depósitu de mierda”. ¿Puede una persona normal dicir estes coses?. Nun toi segura de qu’esta persona seya capaz de tener dengún sentimientu humanu, nin compasión nin dengún otru. Paezme un robot ensin alma. Y tolos sus subordinaos siguen l’exemplu del xefe, asina que tol sistema ye igual.

¿Qué puede y ha facer Occidente respecto a Putin? ¿cuála sedría la tu petición a l’alministración Obama? ¿tién qu’esmolecese’l réximen rusu polo que pueda pensar o facer Occidente o los EEXX?

¿Qué qué puede facer Obama? Primero de too, dexar de coquetear con él. Dexar de pensar qu’esiste cualesquier cosa asemeyada a democracia en Rusia. Rusia sigue siendo’l mesmu imperiu malignu que yá fuera nel pasáu.

El puntu débil de los actuales llíderes rusos ye’l su monederu. Munchos d’ellos tienen cuentes bancaries n’Occidente. Eso ye realmente lo que tienen miéu a perder, a diferencia de la “imaxen” abstracta de que namás que-yos esmolez esto porque podríen ver dañaos los sus asuntos financieros. Ellos ven que, pesie a les declaraciones altisonantes que se dan de xemes en cuando, Occidente nun muestra una intención real de’amenorgar la su cooperación con Rusia. Asina que’l réximen rusu vuélvese tovía más insolente: “faigamos lo que faigamos, ellos van facer un pequeñu baruyu y llueu van relaxar na su opinión sobre nós”. Esto llegó tan lloñe como pa cometer un ataque terrorista radioactivu nel centru de Londres, l’asesinatu de Litvinenko. Y puede dir más lloñe si los llíderes europeos y americanos nun dexen de rii-yos les gracies a Putin y Medvedev. Hai que ser realmente duros, presionar de verdá, aplicar les más dures sanciones poles aiciones d’esti tipu, y nun quedar namás en declaraciones y conversaciones.

Comments

Lo que pasó esactamente nesti aislláu acuartelamientu sigue siendo materia de debate. Sigún el Comité de Madres de Soldaos en Daguestán, los reclutes d’esta república del Cáucasu Norte foron llamaos y puestos delantre de les tropes ruses, que-yos golpearon tan duramente que los daguestanís teníen “miéu a ser asesinaos” si volvíen a les sus xunidaes.

Supuestamente dalgunos de los que atacaron a los daguestanís usaron cadenes pa face-yos feríes, y, causao por estos enfrentamientos, unos 50 soldaos daguestanís del acuartelamientu de la rexón d’Altay declararon una fuelga fame, afirmando que “nun diben comer nin beber hasta que los treslladaren a otra xunidá”.

Pero los fiscales militares del Distritu Militar de Siberia a los que los daguestanís recurrieron afirmen que la violencia foi resultáu “d’una disputa que foi a más” na que “naide nun sufrió graves consecuencies”, pesie a que los fiscales sabíen que “dellos soldaos recibieron asistencia sanitaria”.

Los fiscales de la rexón añadieron que taben investigando la situación y que los oficiales d’altu rangu taben comprobando qué mandos sobre’l terrenu podríen ser responsables de prevenir estes rellaciones “non habituales” ente los soldaos. Dependiendo de los resultaos d’esta investigación, dalgunos oficiales podríen resultar espedientaos.

A causa del númberu de soldaos implicaos y de la esperiencia colos medios de comunicación del Comité daguestaní de Madres de Soldaos, esti casu en concretu, anque con solombres y duldes nos detalles, llamó l’atención de toles axencies de noticies y periódicos de Moscú y parte de Rusia nes 48 hores siguientes.

Y esti casu tuvo l’efectu de llamar l’atención sobre la manera na que les rellaciones ente dellos grupos étnicos dientru l’Exércitu rusu lleven deteriorándose nos últimos años de que tanto’l maltar ente los oficiales pola reducción del númberu d’éstos, como los problemes coles últimes llamaes a files tán cercanos a empeorar abondo la situación nos prósimos meses.

La selmana pasada’l Ministru de Defensa Anatoly Serdyukov afirmó que’l númberu de delitos cometíos poos oficiales rusos aumentó nun 33% l’añu pasáu, un reflexu de lo qu’él indicó como un insuficiente nivel de conocimientu de la Llei y de la eficacia del mandu y el control.

Los sus subordinaos indicaron que’l númberu de soldaos que fueron víctimes de les aiciones de los sus oficiales creció hasta los 1082, pero esta cifra namás inclúi a aquellos que sufrieron les aiciones de 280 oficiales que fueron castigaos por estos delitos. El númberu real podría ser bastante mayor.

Una de les razones d’esti aumentu de los delitos y en concreto de les aiciones contra los subordinaos ye’l sentimientu d’impunidá por cualesquier cosa que faigan que tienen dalgunos oficiales, pero otra razón, quizás más importante, ye que munchos oficiales ven el su futuru inciertu como resultáu de la disminución d’efectivos del Exércitu y les sus probes perspectives fuera d’él.

Sigún una encuesta fecha nel portal SuperJob, el 34% de les empreses ruses dicen que nun quieren contratar antiguos oficiales porque “l’Exércitu priva a les persones de la capacidá de pensar y mostrar iniciativa” y porque los antiguos oficiales que contrataron nel pasáu nun trabayaben nada.

Estos problemes nun se ciñen namás a los cuerpos d’oficiales. L’actual ciclu de soldaos de reemplazu nun ye sólo ún de los más criminalizaos nos últimos años, sino qu’amás la mitá de los soldaos d’esti reemplazu tuvieron problemes cola Llei. Más de 100.000 d’estos soldaos tienen la conderga suspendía, y ente 50.000 y 70.000 fueron encarcelaos.

Los antecedentes penales de los reclutes, la criminalizada forma nel que’l propiu reclutamientu se llevó a cau y el maltar de los oficiales tán combinándose pa crear una situación esplosiva. El Comité de Madres de Soldaos alvierte de que les condiciones del Exércitu rusu son les mesmes que durante la guerra en Chechenia.

Yuri Gladysh, comentarista de la web Kasparov.ru, afirma que “l’actual Exércitu rusu convirtióse nun furacu negru”, nel que un recluta “pierde darréu tolos sos drechos civiles” y se convierte asina en parte de “un exércitu d’esclavos ensin drechos” cuya conda conducta ye poco probable que seya profesional.

Pero quiciavis el meyor testimoniu del gráu de peligrosidá tá garrando la situación aportólu Dmitry Artemyev, un soldáu rusu que desertó de la su xunidá y buscó abellugu en Xorxa. Afirmó que “nun fuxí del mi país, sinon de les novataes nel exércitu del mi país”.

Comments

Los delitos cometíos por oficiales de les Fuercies Armaes Ruses alcanzaron niveles ensin precedentes na última decada y requiérense midíes urxentes pa frenar esta tendencia negativa, afirmó’l xueves el Fiscal Xefe Militar.

Los oficiales rusos cometieron un total de 4.159 delitos en 2008, incluyíos 1.754 rellacionaos con corrupción, un 38% más que en 2007.

“L’índiz de delitos ente los oficiales de les Fuercies Armaes Ruses volvióse desmesuráu, y llegó a los niveles más altos de la última década”, afirmó Sergei Fridinsky nun alcuentru d’altos cargos del Ministeriu de Defensa y fiscales militares.

Sigún los fiscales, los oficiales cometieron tamién más de 2.000 delitos no que va de 2009, uno de cada cuatro del total de delitos, lo que supón un aumentu del 7% respecto al añu pasáu.

Más de 540 miembros de les fuercies armaes fueron atacaos por oficiales, col resultáu de 16 muertos poles feríes recibíes, nos 6 primeres meses d’esti añu.

“Una tercer parte de los delitos tán rellacionaos cola corrupción, y la tasa de delitos ye igual d’alta ente los oficiales de baxu y d’altu rangu”, aseguró Fridinsky. “El númberu de xenerales y almirantes rusos procesaos por dellos delitos aumentó siete veces nos últimos 5 años”, añadió.

Nel mayor casu de corrupción abrióse una investigación penal contra un grupu d’oficiales d’altu rangu y un grupu d’empresarios sospechosos d’intentar robar 30 misiles anti-submarinos y 200 bombes d’aviones que Tayikistán diba vender a China por casi 13 millones d’euros.

La corrupción nel Exércitu rusu prevocó pérdides por polo menos 2,2 billones de rublos (56 millones d’euros) del presupuestu federal en 2008.

“Tá pernidio que cualesquier esfuerciu na llíniea de les actuales reformes militares va quedar namás en buenes intenciones si nun aparamos esta creciente tendencia lo antes posible”, concluyó Fridinsky.

Como parte de les reformes militares en cursu, Rusia quier disminuir el númberu d’efectivos de les Fuercies Armaes dende los actuales 1,2 millones a 1 millón, lo qu’inclúi una reducción nel númberu de xenerales y almirantes dende los 1100 a 200 hasta’l 2012.

Comments

El pasáu 8 de Xunetu, Día de la Familia, familiares de persones desapaecíes ficieron un actu públicu nes cercaníes del monumentu a los periodistes fallecíos, en Grozni. La movilización foi convocada pola organización “Busca de Persones Desapaecíes”.

Tamara Kamirova, cabezalera d’esta ONG, lleva, como otres madres, munchos años buscando al su fíu, que foi prindáu una nuechi na su casa y lleváu nun vehículu blindáu de tresporte de tropes. Esisten dellos miles de madres como ella na república, sigún afirmó Natalia Estemirova, miembru de la organización Memorial, a Caucasian Knot.

Los y les participanes n’esta aición portaben semeyes de los sus familiares secuestraos, la mayoría d’ellos pola parte de militares y otros cuerpos de seguridá, y cartelos desixendo que s’afite el paraderu de los sus familiares y que se castigue a los culpables.

L’oxetivu final de l’aición yera recoyer firmes pa la petición fecha por Nurdi Nukhazhiev, Omdusman (Defensor del Pueblu) de la República de Chechenia, al Presidente de la Federación Rusa Dmitri Medvedev, na que-y pide que s’entame una comisión especial interdepartamental p’afitar el paraderu d’aquelles persones desapaecíes nel territoriu de Chechenia nel trescursu de les “operaciones antiterroristes”.

Comments

L’Exércitu rusu consiguió l’oxetivu soviéticu de convertise nun braeru exércitu “de trabayadores y campesinos”, como resultáu de l’amplia exención del cumplimientu del serviciu militar pola parte de los fíos de los ricos y poderosos, lo que tá creando un gran maltar ente aquellos que se ven forciaos a servir y tá frayando lo que yera ún de los más importantes enllaces ente’l lliderazgu soviéticu y el Pueblu durante la II Guerra Mundial.

Nesi conflictu, los fíos de los funcionarios d’altu rangu del Partíu Comunista y l’Estáu soviéticu, dende’l propiu Stalin p’abaxo, sirvieron nel Exércitu Colloráu y en munchos casos fueron capturaos o morrieron, un indicativu de que na mayoría los casos nun recibíen el tratamientu especial que los fíos de la élite post-soviética paecen tener.

Nun artículu nel númberu d’esta selmana d’Argumenty nedeli, Nadezhda Popova nun sólo cita exemplos de l’actual tendencia de que “los fíos de buena familia nun quieren servir nel Exércitu”, sinon qu’ufre tamién dellos comentarios que suxeren un xorreciente maltar popular respecto a esti asuntu.

La periodista afirma que “quier clarificar cuálos de los fíos de “buena familia” sirvieron o tan sirviendo nel exércitu y cuálos s’escaqueen de facelo”. Yá que ye dalgo que les autoridaes nun tienen interés en conocer polo menos hasta’l momentu, l’artículu consiste nuna riestra d’anécdotes y llistes.

Dalgunos de los casos son abondo inquietantes. Popova cuenta que’l fíu de Nikolay Denin, Gobernador de Bryansk, foi llamáu a files en 2007 pero los funcionarios locales-y concedieron un aplazamientu pa que pudiere… participar en negocios privaos. Como resultáu d’esto, añade Popova, “envede’l xóven Denin dalgún otru foi al Exércitu, dalguién cuyu padre (o madre) nun yéra Gobernador”.

Peor tovía, pol menos no que a hipocresía se refier, foi’l casu del actor de cine Aleksey Chadov. Anque tuvo un papel principal nuna película bélica, “La 9ª Compañía”, nun respondió a la llamada a files. Les autoridaes militares aseguraron que diben llevalu a la cárcel. Pero les sus poderoses amistaes lu protexeron y Chadov tovía actúa en público.

Munchos otros actores y artistes tamién eludieron el serviciu militar durante la última década, afirma la periodista del Argumenty nedeli. Ente ellos taba’l pianista Yevgeny Kisin, cuya evasión pública del serviciu militar prevocó que’l Ministru de Defensa en 2005, Sergey Ivanov, denunciare a los “baillarines ya instrumentistes de balalaika que nun quieren servir al su país”.

(Kisin evitó’l serviciu militar, apunta Popova, pol cenciellu fechu de tener una recomendación personal del Presidente Boris Yeltsin. Pero na época de Yeltsin, diz Popova, “ún tenía que ser polo menos un pianista de sonadía muncial y non un meru emplegáu de banca o home de negocios con apellíu de buena familia”, como paez que tá pasando dende aquelles feches p’acá).

Ente los fíos de políticos y otros altos cargos que refugaron el serviciu militar, añade la periodista, tán Pavel Fradkov, Vladimir y Stanislav Yastrzhemsky, Dimitry Gryzlov, Vladimir Kiriyenko, Igor Lebedev, el fíu de Vladimir Zhirinovsky y tamién los dos fíos del antiguu ministru de Defensa Sergey Ivanov.

Pero si los fíos de munchos de los miembros de l’actual élite rusa tán evadiendo’l cumplimientu del serviciu militar con una escusa u otra, hailos que nun lo faen. Dos de los actuales siete ministros sirvieron nel Exércitu. Amás, los dos fíos del Xeneral del Éxercitu Anatoly Kvashnin tamién lo ficieron, y ente los soldaos muertos en Chechenia, más de 30 yéren fíos de militares d’altu rangu.

Pa los fíos de los trabayadires y campesinos, pol contrariu el serviciu militar sigue siendo casi universal, menos p’aquellos que tienen graves problemes de salú, tienen prórroga por estudios, o planeen paga-y un sobornu a los funcionarios que trabayen nes oficines de reclutamientu, sobornu que, como indica Popova, tá demasiao solicitáu.

Por mor de que l’actual ciclu de reclutamientu tá afectando a cada vez más xente, el fechu de que dalgunos seyan quién a eludir el serviciu militar mientres qu’otros nun pueden, ye especialmente sensible en gran medía polos frecuentes fechos tráxicos que se conocen sobre la vida militar rusa y porque hai un sentir cada vuelta mayor ente munchos rusos de que tol sistema tá a la escontra d’ellos.

De fechu, los rusos d’a pie creen cada vuelta más mayoritariamente que los ricos y poderosos y los sus fíos viven como si tuvieren “n’otru planeta, perlloñe de los demás”, un sentimientu qu’amás mina’l tipu de cohesión social que cualesquier país necesita y que puede españar en tiempos de crisis.

Popova acaba’l su artículu cola siguiente entruga: dada la desgana de los fíos de los ricos y poderosos en facer el serviciu militar y y dao que pasen el tiempu conduciendo Mercedes o “mercando ésta o aquella islla o factoría”, ¿qué-yos pasaría a Rusia y el su Pueblu si mañana hai una guerra?.

Comments

L’informe de 53 páxines, tituláu “Lo que los sus neños-y entrugarán: punitivos incendios de cases en Chechenia”, documenta una pauta d’incencios de cases a cargu de les fuercies de seguridá pa castigar a les families poles supuestes aiciones de los sus familiares.

“Rusia aseguró que la “operación antiterrorista” en Chechenia tá acabada, pero lo que nun lo tán son les violaciones a los Drechos Humanos”, afirma Tanya Lokshina, vicedirectora de la oficina en Rusia de Human Rights Watch, quien añade que “quemar les cases de la xente polos supuestos pecaos de los sus familiares ye una táctica criminal, y nun hai razón denguna pola que’l Gobiernu nun pueda aparar esto y pidi-yos responsables a los culpables”.

En 2008, funcionarios chechenos d’altu rangu, incluyíu’l Presidente Ramzan Kadyrov, ficieron declaraciones oficiales afirmando que los familiares de los insurxentes habríen esperar ser castigaos hasta que convencieren a los sus familiares de que se rindieren. Los insurxentes usen tamién una variedá de táctiques violentes, incluyíes la quema de cases, contra miembros y simpatizantes de les autoridaes chechenes pro-ruses.

“L’usu de táctiques espantoses ya illegales pela parte de los guerrilleros rebeldes nun xustifica l’usu de táctiques asemeyaes pela parte de les fuercies gubernamentales que lluchen contra la insurxencia”, afirma Lokshina.

L’Informe de Human Rights Watch documenta 13 de los 26 casos de quemes punitives de cases ente Xunu de 2008 y Xunu de 2009 que pueden ser atribuyíes a les fuercies de seguridá chechenes n’ocho distritos de Chechenia. El casu más reciente tuvo llugar el pasáu 18 de Xunu. La organización pa los Drechos Humanos Memorial, la principal organización humanitaria que trabaya nel Cáucasu Norte, informó de qu’alrodiu les 5 la mañana miembros de les fuercies de seguridá quemaron dos cases pertenecientes a los ancianos padres d’un supuestu insurxente na localidá d’Engel-Yurt, nel distritu de Gudermes.

Les quemes de cases detallaes nel informe de Human Rights Watch son llevaes a cabu, polo xeneral, de nuechi, cuando miembros de los cuerpos de seguridá lleguen –a menudo encapuchaos- en dellos coches, entren nes cases y obliguen a los sus residentes a salir d’elles. Los atacantes impiden a los residentes averase a la su casa, tratándolos con violencia y en dellos casos manteniéndolos encañonaos coles sus armes. Los asaltantes pasen dempués a prender les cases metódicamente y ensin prieses y queden durante más d’una hora mirando como esparde’l fueu, asegurándose asina de que los residentes o los sus vecinos nun intenten apagar el fueu antes de que la casa tá dafechu en llames.

A les víctimes d’estos fechos se-yos dexa bien claro que si denuncien a les autoridaes pueden sufrir dures repercusiones. Ye por ello que namás 3 víctimes de los casos conocíos por Human Rights Watch denunciaron oficialmente los fechos. N’otros 3 casos, les víctimes llegaron a un alcuerdu con Memorial pa denunciar los fechos énte les autoridaes. Hasta’l momentu les autoridaes nun abrieron nin una sola investigación poles denuncies de quema de cases en Chechenia.

El Gobiernu rusu falló estrepitosamente al nun investigar y pidi-yos cuentes a los culpables de les violaciones de los Drechos Humanos durante una década de guerra y contrainsurxencia en Chechenia. Un funcionariu del gobiernu chechenu cuntó-y a Human Rights Watch qu’esti fallu ayudó a crear en Chechenia una aceptacion de la impunidá como norma.

Sigún Lokshina, “los ataques impunes contra los Drechos Humanos en Chechenia son una perversión de la xusticia y nun habríen ser toleraos. Los culpables han ser castigaos”.

En más de 100 xuicios cellebraos hasta la fecha, el Tribunal Européu de Drechos Humanos consideró a Rusia culpable de graves violaciones de los Drechos Humanos en Chechenia. Human Rights Watch fizo-y un llamáu al Gobiernu rusu pa qu’asegure que les sentencies d’estos casos seyan llevaos a cabu con eficacia.

Lokshina asegura que “el cumplimientu total de les sentencies del Tribunal Européu ye una de les meyores maneres d’acabar cola impunidá en Chechenia. Nun clima de responsabilidá ye difícil d’imaxinar que crimenes como la quema de cases tengan llugar”.

Comments

Les autoridaes chechenes usen nueves formes de presionar a la guerrilla independentista: los sus familiares tán viéndose privaos de les ayudes a los neños y les pensiones, sigún informa Natalia Estemirova, miembru de la oficina en Groznu de la organización pa los Drechos Humanos Memorial.

La oficina en Chechenia de Memorial recibió la llamada de delles persones. Asinamesmo, los activistes polos Drechos Humanos dirixéronse a la Fiscalía informándo-y sobre l’impagu de les pensiones y otres ayudes. “Yá nos diriximos a la Fiscalía del distritu d’Achkhoi-Martan y agora tamos preparando una quexa a la Fiscalía de Grozni, y esperamos una rempuesta”, afirmó Natalia Estemirova al corresponsal de Caucasian Knot.

Sigún la versión de los demandantes, éstos fueron al Departamentu de pensiones y allí-yos dixeron que deberíen dirixise al Xefe del Departamentu d’Interior del Distritu de Sunzha pa desixir les sos pensiones, pero fueron allí delles veces pero nun consiguieron les sus pensiones.

Un emplegáu de la Fiscalía del Distritu d’Achkhoi Martan, que refugó identificase, confirmó al corresponsal de Caucasian Knot qu’esti tipu de coses tán pasando realmente. La Fiscalía tovía nun entamó les sus verificaciones ya investigaciones, yá que les denuncies tán acabantes de llegar, y hasta’l momentu ficiéronlo nun númberu de dos namás.

Comments

Ente los reservistes que s’allisten con más entusiasmu a la masacare sobre’l pueblu palestín afayaríense francotiradores rusos que yá tuvieron destinaos en Gaza fai nel exércitu sionista fai 4 años, y que sedríen veteranos de les guerres d’Afganistán y Chechenia.

Hai que recordar que nun ye la primer vez que l’exércitu sionista israelí saca xugu de la “esperiencia” d’estos francotiradores, yá que éstos participaron tamién na ofensiva d’Israel contra’l Líbanu ente Xunetu y Agostu de 2006, talu y como yá informó’l Conceyu Asturianu de Solidaridá con Chechenia n’Agostu de 2006.

Y ye que Roma nun paga traidores. Cola collaboración col exércitu sionista ye como-y paguen estos veteranos rusos a Mahmud Abbas, presidente de l’Autoridá Palestina, y a Khaled Mashaal, líder de Hamas, los sus favores políticos al imperialismu zarista rusu. Mahmud Abbas declaró públicamente’l pasáu 21 d’Avientu del añu recién acabáu en Grozni, capital de Chechenia, que sentía un profundu respetu por toes aquelles persones que sufrieron y vencieron al “terrorismu chechenu”, refiriéndose con ésti términu a la resistencia independentista d’ésti país, y eloxaba’l llabor del torturador collaboracionista chechenu Ramzan Kadyrov nesa xera, mientres que Mashaal afirmaba en Marzu de 2006 que’l conflictu ruso-chechenu yera un asuntu internu rusu y que Hamas nun interfier n’asuntos d’otros Estaos, ninguneando y ñegando d’esta manera la heróica resistencia del pueblu chechenu a los xenocides rusos dende Avientu de 1994, y xustificando d’igual mena la barbarie rusa que causó en Chechenia más de 200.000 muertos y 150.000 refuxaos y refuxaes.

Pesie a estes pallabres y a estos fechos de los líderes de les principales facciones palestines, el Conceyu Asturianu de Solidaridá con Chechenia quier refugar enérxicamente la invasión y la masacre sionista en Gaza, y fai un llamáu a tolos asturianos y asturianes a llevar a cabu cuantes aiciones considere oportunes pa denunciar l’actitú del Estáu sionista.

Asinamesmo, el Conceyu Asturianu de Solidaridá con Chechenia nun quier dexar escapar la ocasión de denunciar públicamente tamién la hipocresía y doble raseru del PSOE, que participa na convocatoria d’una manifestación n’Uviéu pal prósimu xueves pol fin de les agresiones a Gaza, mientres nun mueve un déu a nivel políticu y diplomáticu, y mientres apreba órdenes d’estradición contra Murad Gasayev, un ciudadanu chechenu deportáu ensin prebes conocíes que lo xustifiquen y cuya integridá física y moral, ya incluso la su vida, cuerren seriu peligru, lo que demuestra l’escasu compromisu de la política esterior del PSOE y del Gobiernu español a la hora de defender los derechos humanos más ellementales.

Contra l’imperialismu sionista y zarista. La solidaridá ye la ternura de los pueblos. Puxa Palestina llibre y xunificada. Puxa Chechenia llibre.

Comments

Pueden queda-y hores d’estancia n’España. El Conseyu de Ministros alcordó’l pasáu 12 d’Avientu la estradición a Rusia del chechenu Murat Ajmedovich Gasayev, acusáu pola fiscalía d’esi país de mancaures, asesinatu y estragos terroristes, asina como d’integración en banda armada por formar supuestamente parte d’un grupu guerrilleru chechenu. Pero Gasayev será entregado a las autoridades rusas sin que vayan a cumplirse las garantías contra torturas y tratos degradantes acordadas durante el estudio de su caso por la Audiencia Nacional. Los comités contra la tortura de Naciones Unidas y del Consejo de Europa, a los que el tribunal español encomendó el control de las condiciones de reclusión en Rusia, rechazaron hacerse cargo del checheno argumentando que esa vigilancia no se contaba entre sus funciones.

Gasayev fuxó a España en 2005 tres conocer que la fiscalúa rusa lu acusaba d’esos delitos. Namás llegar a Bilbao, onde desembarcó en Xunu d’esi añu, pidió asilu políticu argumentando que, de volver al su país, podría ser oxetu de tortures y malos tratos. Instalóse en Mislata (Valencia), onde foi deteníu’l 1 d’Avientu de 2006 en virtú d’una orden internacional de detención d’un tribunal rusu. Dende entos afáyase en prisión preventiva a la espera de que concluya’l procesu sobre la su estradición que cuerre en paralelu al de la concesión (o non) de la condición de refuxáu.

L’Audiencia Nacional autorizó la su entrega a Rusia el 25 de Mayu de 2007. L’autu de la Seición Tercera de la Sala de lo Penal declaróla "procedente" cola condición de que les autoridaes ruses garantizaren que Gasayev nun diba ser condergáu a muerte nin a cadena perpetua. Nuna resolución posterior, esi mesmu tribunal, tres estudiar dos informes de Naciones Xuníes sobre la situación nes repúbliques ruses del Cáucasu, apreció la necesidá d’afitar mayores garantíes pa evitar que’l reclusu pudiere ser maltratáu una vuelta entregáu.

El primer informe, redactáu’l 15 de Xineru de 2007 pol Rellator Especial sobre la Tortura de Naciones Xuníes, narraba cómo les autoridaes ruses suspendieron unillateralmente la visita qu’esi altu representante tinía previsto facer a Chechenia, Ingusetia y Osetia’l Norte pa comprobar les condiciones de reclusión. El segundu, del Grupu de Trabayu sobre Desapaiciones Forciaes o Involuntaries, cifraba ente 3.000 y 5.000 les desapaiciones nesa zona "siendo munches d’elles perpetraes por tropes federales [ruses]".

Pa evitar que Gasayev pudiere convertise nunu más, la Sala ordenó, ensin consulta previa y ensin dengún precedente conocíu, que miembros del Comité contra la Tortura de Naciones Xuníes (CAT) lu visitaren una vuelta enviáu a Rusia y s’entrevistaren con él reservadamente pa que pudiere denunciar malos tratos nel casu de qu’esistieren. Por embargu, el presidente d’esi comité, Claudio Grossman, aseguró al Gobiernu español qu’una visita a Gasayev nun centru de detención de Rusia "nun sedría posible" porque esi tipu de controles nun tá ente les funciones del CAT. El Ministeriu de Xusticia informó entos al presidente de la Sala Penal de l’Audiencia, Javier Gómez Bermúdez, sobre "la imposibilidá de cumplir la condición impuesta".

El plenu de la Sala decidió entos que fuere’l Comité de Prevención de la Tortura del Conseyu d’Europa (CPT) en llugar de la ONU quien supervisare l’internamientu del chechenu. En casu de que nun pudiere, encomendába-y esi llabor a la Embaxada d’España en Moscú como últimu recursu. "El Comité nun tá bien situáu pa realizar la continua vixilancia que sedría mester nesti casu", respondió’l presidente del CPT, Mauro Palma. "Un llabor como esi habría facese nel Estáu receptor", ye dicir, en Rusia, añadió.

Asina que la integridá de Gasayev tres de la su yá aprebada estradición habrán facela diplomáticos españoles destinaos nesi país. La Embaxada informó al Gobiernu de qu’esisten precedentes asemeyaos realizaos por otres representaciones diplomátiques en Moscú -nunca pola española- "que a vegaes tropezaron con dalgunos obstáculos", sigún otra carta enviada por Xusticia a Gómez Bermúdez el pasáu día 17. El control antitortura español consistirá, sigún la misiva, nuna visita al presu "a la su llegada al territoriu rusu" y otra más cuando se dicte "veredictu final".

Nuevu xuiciu

La causa contra la estradición de Murat Ajmedovich Gasayev foi defendía por organizaciones de drechos humanos como Amnistía Internacional o Human Rights Watch. Pero tamién por organismos internacionales como’l Rellator Especial sobre los Drechos Humanos y la Llucha contra’l Terrorismu de la ONU, Martin Scheinin. Ésti avisó al Executivu español el 14 de Mayu, nun informe tres visitar España, de que les garantíes impuestes pola Audiencia Nacional sobre la entrega del chechenu a Rusia yéren "inadecuaes" para prevenir tortures. "El Rellator Especial-y propón al Gobiernu que solicite una nueva opinión xudicial si desea proceder a la estradición de dicha persona", escribió d’aquella.

Comments