Conceyu Asturianu de Solidaridá con Chechenia

AP/El País

España acordó ayeri la entrega n’estradición a la Federación Rusa del supuestu terrorista chechenu Murat Ajmedovich Gasayev, pesie a les reitares piticiones pa que nun lo ficiera d’Amnistía Internacional y Human Right Watch, qu’aleguen que será sometíu de nueu a tortures en dichu país. Gasayev tá acusáu pola fiscalía rusa de pertenencia a banda armada, estragos, asesinatu, tentativa d’asesinatu, detención illegal de calter, robu illegal de calter, robu d’usu con finalidá y tenencia d’armes, municiones y esplosivos, too ello con finalidá terrorista. La estradición foi aprobada, sigún informó una portavoz del Ministeriu del Interior, nel Conseyu de Ministros d’esti vienres.

Gasayev foi deteníu na llocalidá valenciana de Mislata n’Avientu de 2006. Llegó’l 3 de Xunu d’esi añu al Estáu español, onde pidiera asilu políticu. El chechenu alegó que dempués de ser deteníu n’Inguxetia a finales d’Agostu de 2004 foi acusáu d’un ataque armáu contra dependencies policiales en dichu territoriu perpetráu nel mes de Xunu d’esi mesmu añu. Dempués de tres díes presu, foi lliberáu nel campu, ensin cargu dengún, dempués de qu’un grupu soldaos simulare que diba fusilalu.

La Sala de lo Penal de l’Audiencia Nacional sofitó la su entrega a Rusia’l 8 de Febreru d’esti añu, cuando consiguió les garantíes de la Fiscalía rusa de que Gasayev “nun diba ser condergáu a muerte nin a cadena perpetua ensin posibilidá de llibertá condicional”, y de que la su detención va tar supervisada pol Comité de la ONU contra la Tortura.

Pela so parte, Amnistía Internacional afirmó que’l Comité pa la Prevención de la Tortura del Conseyu d’Europa vién espresando repetida y públicamente una fonda preocupación poles tortures, el tratu inhumanu y les detenciones illegales a cargu de los cuerpos de seguridá en Chechenia.

Noticies anteriores rellacionaes col tema:

http://www.glayiu.org/?accion=ver&tipo=noticia&id=6174

http://www.glayiu.org/?accion=ver&tipo=noticia&id=6206

Esbilla | del.icio.us

Dexar un comentariu