UNES 5.000 PERSONES SECUESTRAES EN CHECHENIA DENDE 1.994
RIA Novosti
Cinco mil persones secuestraes na República de Chechenia, nel Cáucasu Norte, dende 1.994, sigún aseguró’l pasáu miércoles el Defensor del Pueblu de Chechenia.
Nurdi nukhazhiyev aseguró, durante una conferencia interdepartamental en Grozni, la capital de Chechenia, que “en total, sigún los nuesos datos, hai una llista colos nomes de 4.825 persones desapaecíes o secuestraes dende 1.994”. La conferencia tenía como oxetivu afitar el trabayu de les axencies de seguridá pa la busca de persones desapaecíes na república.
Otra portavoz, Aset Malgasova, del Centru pa la Paz nel Cáucasu Norte, adelantó que diba estrenase un sitiu web onde contrastar los datos de les persones desapaecíes o secuestraes. Añadió que’l sitiu web pue permimtir a los testigos compartir información coles organismos públicos.
Aseguró tamién que considera inaceptable la exhumación de les tumbes hasta que nun s’instale un llaboratoriu forense qu’ayude a la identificación de los restos.
Akhmed Dakaev, director del Departamentu presidencial y gubernamental chechenu pa la collaboración colos cuerpos de seguridá, aseguró durante la conferencia qu’un total de 1.258 persones fueron declaraes desapaecíes ente 2.000 y 2.007, y que tán siendo investigaos 557 d’estos casos.
Sigún el colectivu estauxunidense Human Rights Watch, el Tribunal Européu de Derechos Humanos dictó, en más de 30 casos, que Rusia yera culpable de violaciones de los derechos humanos, “incluyendo tortures, desapaiciones forzoses y execuciones estraxudiciales”. El Tribunal tamién condergó repetíes veces a Rusia pola su ineficiencia p’asegurar “soluciones internes efectives.
Esbilla
del.icio.us
Nun hai comentarios »