MEDIU MILLÓN DE DESEMPLEAOS EN CHECHENIA
Kavkaski Úzel
Un total del 76,9% de la población activa tá en situación de paru en Chechenia, siendo’l númberu de desempleaos superior al mediu millón de persones.
Sigún el representante del Ministeriu de Trabayu y de Desarrollu Social de la República na su entrevista al corresponsal del “Kavkazski Úzel” el númberu total de desempleaos ye anguañu de 511.536 persones.
“Conforme a los datos de los que dispón el Ministeriu, la población activa suma 688.945 persones, ye dicir, más del 56% de la población de la república. De toes elles, namái que’ 25,7% tién trabayu, ye dicir, 174.409 persones”, aseguró.
La causa principal del desempléu masivu na República Chechena ye, sigún esti responsable, l’ausencia de grandes empreses y d’organizaciones, que fueron destruyíes durante les operaciones militares. La creación d’empreses rellativamente pequeñes (como la factoría de montaxe de coches “Zhigulí” na ciudá d’Argún) y la parcial puesta en marcha de la producción de les antigües empreses industriales nun son quién a poné-y igüa al problema del desempléu.
“El paru esistía yá en Chechenia nos tiempos de la URSS, lo qu’obligaba a la xente a desplazase pa los trabayos de temporada a estremaes rexones de Rusia como por exemplu, a Kazajstán y a Asia Central. Na presente situación una solución asemeyada yá nun ye posible”, conclúi esti interllocutor.
Esbilla
del.icio.us
Nun hai comentarios »