UN COMPAÑERU DE CLASE DE PUTIN SERÁ’L CABEZALERU D’UNA AXENCIA ANÁLOGA AL FBI
AIA
Esta prósima seronda va creáse en Rusia una axencia, que llevará’l nome de Serviciu Federal d’Investigaciones (FSR nes sigles en rusu), análoga al FBI americanu, y que va centralizar nun baxo un mesmu techu a tolos axencies d’investigación de tolos “departamentos oficiales”, sigún informa’l diariu moscovita RBC. La creación d’esta nueva axencia aprebóse al más altu nivel.
La principal cuestión que habría resolver el Kremlin nos prósimos meses ye quién va encabezar esti serviciu de nueva creación. Los dos aspirantes al puestu, Alexander Bastrykin, cabezaleru del Comité d’Investigación de la Oficina de la Fiscalía Pública de la Federación Rusa, y Alexei Anichin, cabezaleru del Comité d’Investigación del Ministeriu del Interior, fueron compañeros de clase del Presidente Vladimir Putin.
D’esta manera’l Kremlin asegúrase, de toes toes, la másima influencia nes axencies d’investigación, conclúi’l RBC. El decretu pa la creación del FSR entá nun tá firmáu. Por embargu, sigún una fonte d’esi periódicu na Oficina Estatal del Fiscal Xeneral, esa ye una cuestión que yá tá resuelta. La nueva axencia va tar implicada en investigaciones a tolos niveles, tantu federal como rexonal.
Esbilla
del.icio.us
Nun hai comentarios »