UN TRIBUNAL D’OSETIA DEL NORTE REFUGA UNA DENUNCIA DE “VOZ DE BESLÁN”
Caucasian Knot
El pasáu día 13 el Xulgáu de Promyshlenny, n’Osetia del Norte, refugó la denuncia fecha pola Organización Pública pan-rusa “Voz de Beslán” pa que se reconociere que los esamenes de los cuerpos de les víctimes del actu terrorista ye illegal.
“El Tribunal consideró que les actuaciones de los espertos fueron llegales. Ufriéronnos exhumar los calabres, pero nun quinxeron responder a les nuestres cuestiones. Nun podemos afitar si la carbonización de los cuerpos fue en vida o post-mortem. O la causa de la muerte d’eses persones: esplosivos de fabricación casero de los terroristes o bales de los axentes de seguridá. Esto ye culpa de los espertos ya inspectores. Por embargu, dixéronnos que nun hai llugar a una investigación completa”, afirmó Ella Kesaeva, líder de “Voz de Beslán”, al corresponsal de Caucasian Knot.
Sigún Kesaeva, otru de los motivos de la refuga del Tribunal de Promyshlenny a la denuncia de les víctimes foi que tovía sigue en cursu una investigación preliminar sobre l’actu terrorista en Beslán, y que una vez que tea completa, les víctimes podrán enterase de tolos detalles.
“Esti foi ún de los xuicios más fundamentales ya importantes”, apuntilla Ella Kesaeva.
“Voz de Beslán” tá en desalcuerdu cola decisión del Tribunal y tenía previsto presentar pa esti día 14, vienres, un recursu de casación contra esta decisión.
Güei vienres, el Tribunal de Pravoberezny, en Beslán, pospunxo de nueu l’audiencia previa sobre l’acusación a “Voz de Beslán” d’estremismu, y otra vegada por culpa de la non comparecencia del Fiscal Públicu d’Inguxetia, Aushev.
La prósima sesión tá afitada pal 21 de Marzu.
Esbilla
del.icio.us
Nun hai comentarios »