Conceyu Asturianu de Solidaridá con Chechenia

Por Ruslan Isayev, Prague Watchdog

Díes atrás tuvo llugar nel centru de Grozni una manifestación de protesta contra la conderga de suspensión de 3 años d’empléu al Teniente Coronel de les tropes ruses del Ministeriu del Interior, Aleksei Korgun, que fai un añu ordenó a los sus subordinaos abrir fueu contra tres muyeres ruses, matando a una d’elles y firiendo a les otres dos.

Unes cien persones, militantes de distintes organizaciones de Derechos Humanos y ONG’s en Chechenia, participaron na manifestación. Dalgunos de los participantes portaben cartelos desixendo una revisión xudicial del veredictu y la imposición d’una conderga menos suave. Los participantes manifestaron la su intención de presentar esta petición nuna apelación a les autoridaes correspondientes.

Said-Emin Dzhabrailov, cabezaleru de la Camara Públca del gobiernu prorrusu de la República de Chechenia, cree qu’esti tipu de coses nun debería repetise: “la Xusticia nun puede ser selectiva, sinon llimpia, y ye esta la razón pola que nun tamos d’alcuerdu cola decisión del Tribunal Militar de Grozni”, afirmó.

Una particiante, Luiza Ayubova, afirmó al corresponsal de Prague Watchdog que, al emitir esti tipu de sentencies, el tribunal taba leximitando y afalagando’l continuu asesinatu de civiles pola parte de los soldaos.

El 24 de Marzu de 2007, una escuadra de reconocimientu que taba llevando a cabu una operación de control nes prosimidaes de la localidá d’Urdyukhoy, nel distritu chechenu d’Itum-Kali, abrió fueu contra un grupu de muyeres de la zona que taben recoyendo nel bosque. Como resultáu del ataque, una de les muyeres morrió y otres dos resultaron feríes graves. Los soldaos rusos afirmaron que les muyeres fueron confundíes con guerrilleres.

Nel su xuiciu Korgun espresó remordimientu y pidió-yos perdón a los familiares de les víctimes.

Esbilla | del.icio.us

Dexar un comentariu