ENTAMEN UN CASU PENAL N’OSETIA DEL NORTE CONTRA ACTIVISTES DE “VOZ DE BESLÁN”
Caucasian Knot
La selmana pasada abrióse un casu penal n’Osetia del Norte contra Ella Kesaeva, Svetlana Margieva y Emilia Bzarova, les principales miembros de la organización “Voz de Beslán”.
El casu penal abriólu la Oficina Rexonal de la Fiscalía basándose en dellos artículos del Códigu Penal de la Federación Rusa: Art. 116 (“Agresiones”), Art. 130 (“Insultos”) y 318 (“Usu de violencia contra miembros de les fuercies de seguridá”).
Aslan Madtiev, inspector del Comité d’Investigación de la Oficina de la Fiscalía de la ciudá de Beslán, informó a los activistes sobre l’apertura del casu penal. Ella Kesaeva, cabezalera de “Voz de Beslán”, informó d’ello a Novaya Gazeta.
“Hasta ayeri la tendencia year de refugar l’apertura d’un casu penal. Esta decisión unvióse a la Oficina de la Fiscalía de Beslán. El Fiscal Públicu de la ciudá calificó de “ensin base” esta refuga, y basándose na demanda del Fiscal Públicu de la República, Shtadler, tomó una nueva decisión: llevar alantre una investigación y entamar un casu penal nel plazu de 3 díes”, afirmó Kesaeva.
La selmana pasada les activistes de “Voz de Beslán” testificaron durante delles hores énte Aslan Madtiev, inspector del Comité d’Investigación de la Oficina de la Fiscalía de Beslán. “Intentemos demostrar que nós nun golpeemos a eses persones. Por embargu, Badtiev díxonos que “dengún abogáu va poder ayudavos, yá que’l casu tá fechu a midía pa vosotres. Afirmó que’l casu taba “rebaxáu” dende la Oficina del Fiscal del Distritu Federal Sur. L’inspector añadió que ficiéremos lo que ficiéremos, traxéremos a quién traxéremos de testigu, el casu taba yá decidíu. Sigún Aslan Madtiev nun mos diben detener, pero dibemos tener que pagar una fianza o, como últimu recursu, someténos a llibertá condicional”, afirmó Kesaeva.
Agora la organización tá buscando un abogáu y prepara una demanda nel Tribunal d’Estrasburgu por mor de la presión exercida poles autoridaes locales sobre les miembros de “Voz de Beslán”.
Esbilla
del.icio.us
Nun hai comentarios »