CIUDADANOS CHECHENOS DENUNCIEN EL SOBORNU DE FUNCIONARIOS ENCARGAOS DE REPARTIR LES COMPENSACIONES ECONÓMIQUES POLES VIVIENDES DESTRUYÍES
Caucasian Knot
Los ciudadanos de Chechenia siguen denunciando públicamente que les compensaciones poles viviendes destruyíes sólo pueden recibise tres el pagu de la mitá de la suma a los burocrátes pol llamáu “otkat” (culatazu).
El periódicu Gazeta (gzt.ru) asoleyó va unos díes que los residentes en Grozni que yá recibieron les compensaciones falen de qu’hai dos menes de consiguir les perres. La primer variable, non mui fiable, ye acceder al sobornu de pagar, como adelantu, 30mil rublos (835 euros). La segunda ye más fiable: sólo ye necesario entregar les perres dempués de la recepción de les mesmes. Los intermediarios más habituales na “transacción” son los mesmos funcionar encargaos de facer los pagos de les compensaciones, sigún afirma’l periódicu. A menudu eses perres de los sobornos dilúyense ente les filiales del Rosselkhozbank, que ye l’encaráu de les operaciones de pagu de compensaciones.
Fontes de la Oficina de la Fiscalía de la República aseguraron que tán tomando midíes contra los delitos d’esta triba. “El trabayu tá siendo exitosu, pero hai problemes”, afirmó Nikoilai Khabarov, vice-fiscal de Chechenia. “Durante tol períodu de pagu de les compensaciones, los cuerpos de la Oficina de la Fiscalía y d’Asuntos Internos entamaron 789 casos penales, de los que 257 pasaron a los tribunales pa tomalos en consideración. D’ellos, 225 casos, nos que tán implicaes 280 persones, yá fueron consideraos polos tribunales, qu’emitieron en tolos casos un veredictu de culpabilidá. Otros 18 casos, nos que tán implicaos 18 persones, tomáronse en consideración por crímenes.
Esbilla
del.icio.us
Nun hai comentarios »