EL TRIBUNAL EUROPÉU DE DERECHOS HUMANOS ACEPTA DOCUMENTOS DEL COMITÉ “VOZ DE BESLÁN”
Caucasian Knot
El Tribunal d’Estrasburgu notificó-y al Comité Públicu “Voz de Beslán” l’aceptación de los documentos qu’evidencien les violaciones de los derechos delles persones afectaes polos actos terroristes de Beslán.
Ella Kesaeva, directora de la “Voz de Beslan” desplica qu’un paquete de 43 kilos de documentos contién “centenares de prebes de residentes de Beslán” y declaraciones d’antiguos rehenes, que fueron feches especialmente pal Tribunal Européu de Derechos Humanos.”
“Tamién compilemos documentos de toles instancies que fuímos presentando en diferentes tribunales dende’l 2005,” desplicaba Kesaeva. Sigún cuenta, el Comité “Voz de Beslán” recurre al Tribunal Européu contra l’Está rusu, que, sigún la so opinión, fracasó na proteición de los sos ciudadanos del actu terrorista, y contra la violación del derechu de les víctimes del terror a una investigación oxetiva.
“Esperamos que’l nuestru casu seya considerá pol Tribunal de Derechos Humanos nel plazu de 18 meses, añade la directora de la “Voz de Beslan”.
Anteriormente, “Caucasian Knot” yá informó que familiares de les víctimes del actu terrorista de Beslán solicitaron ayuda al Tribunal Européu’l 26 de xunetu. Les solicitues firmáronles 89 persones. Ella Kesaeva afirma que la “Voz de Beslan” yá pasó per toles instancies xudiciaes d’Osetia del Norte y, por tanto, na busca de la verdá, recurrieron al Tribunal Européu pidiendo que se faiga una investigación oxetiva de toles circustancies de la captura de la escuela polos terroristes.
Kesaeva: “Voz de Beslán” nun depositará más ilusiones en Putin
N’otru orden de coses, Ella Kesaeva anunció, dempués de recibir rempusta del Presidente de la Federación Rusa a una carta del Comité na que se-y pedía la paralización del procesamientu a la organización, el fin de les ilusiones en rellación al sñeor Putin.
El 30 de Xineru la ONG “Voz de Beslán” recibió una rempuesta del Presidente Vladimir Putin a la carta na que los miembros del Comité pedíen la paralización del procesamientu a la organización, y a la quexa sobre l’actuación del actual Fiscal Públicu d’Inguxetia, que entamó un casu penal sobre la reconocencia de testos informativos espublizaos pol Comité, al consideralos de calter estremista.
“Dirixímonos personalmente a Vladimir Putin pa pidi-y que parare’l procesu xudicial a “Voz de Beslán” y contestónos qu’esti asuntu tá fuera de la so competencia y que dirixéremos la carta a la Oficina de la Fiscalía Pública de la Federación Rusa. Ésta afirmó tamién que l’asuntu tá fuera de la so competencia. Pensamos qu’esta rempuesta ye illegal. Toles nueses ilusiones acaben güei….”, afirmó Kesaeva a la corresponsal de Caucasian Knot.
Sigún la so versión, la carta afirmaba que les sos quexes básense nel Códigu de Procedimientu Penal de la Federación Rusa, y que nun lu vulneraba.
Anteriormente, Caucasian Knot informó de que’l Tribunal Supremu d’Osetia del Norte obligaó al Xulgáu de Pravoberezhny, na ciudá de Beslán, a tomar en consideración la denuncia de “Voz de Beslán” sobre la concesión de pensiones a los padres de los neños que morrieron nel actu terrorista. Esti asuntu permanez ensin resolver tovía.
Esbilla
del.icio.us
Nun hai comentarios »