DERRAME DE PETRÓLEU NEL CASPIU TRES ROMPER UN OLEDUCTU NEL SUR DE RUSIA
RIA Novosti
Los test de llaboratoriu confirmen que’l petróleu derramáu nel Mar Caspiu tienen el su orixe nel reciente accidente nun oleoductu na república rusa norcaucásica de Daguestán, afirmó un portavoz d’un llaboratoriu local esti miércoles.
L’oleoductu rompió’l pasáu 3 de Febreru a unos 20 kms. de la localidá daguestaní de Belidzhi, causando’l derramamientu d’unes 100 tonelaes métriques de crudu del oleoductu, de les que 5 tonelaes métriques fueron a parar al ríu Rubas, que desemboca nel Caspiu.
“Los resultaos de les prebes muestren que’l conteníu del crudu nel mar escede’l nivel permisible másimu más de 320 veces”, afirmó Albina Magomedova, cabezalera del llaboratoriu d’hidrometereoloxía de Daguestán.
El derrame cubre un área d’unos 1.000 metros cuadraos alredor del llugar de la rotura, y espárdese 4 kilométros a lo llargo’l ríu Rubas.
Instaláronse barreres flotantes nel ríu pa que la superficie de la capa de petroleu pa nun llegue a la mar, pero les midíes tán teniendo hasta’l momentu bastante poco éxitu.
Esbilla
del.icio.us
Nun hai comentarios »