Conceyu Asturianu de Solidaridá con Chechenia

Caucasian Knot

L’informe del Tribunal Europeu de Derechos Humanos, asoleyáu’l pasáu 23 de Xineru, destaca que l’añu pasáu’l Tribunal reveló 175 casos de violaciones de los derechos humanos en Rusia. La mayoría de les demandes cursaes por ciudadanos rusos nel Tribunal d’Estrasburgu taben rellacionaes con fechos asocedíos en Chechenia.

Asina, nes estadístiques del 2007 Rusia ocupa’l segundu llugar ente los países europeos que más condergues tienen por parte del Tribunal Europeu de Derechos Humanos, informa Radio Liberty. El cabezaleru nel númberu de violaciones de derechos humanos reconocíes como tales pol Tribunal Europeu ye Turquía.

Nel númberu de demandes interpuestes en 2007 al Tribunal d’Estrasburgu, Rusia ocupa’l primer llugar. En total, a día de güei, el Tribunal tién un total de 80.000 casos esperando veredictu. D’esti total, el 26% (unos 20.000 casos) son contra Rusia. Síguen-y Turquía (12%) y Rumanía (10%), informa RIA Novosti.

Pol númberu de de veredictos fechos públicos pol Tribunal l’añu pasáu, Turquía ocupa’l primer llugar (331 veredictos), y Rusia’l segundu llugar (192), seguíes por Polonia (111) y Ucrania (109). En total, en 2007 el Tribunal fizo públicos 1503 veredictos.

Esbilla | del.icio.us

Dexar un comentariu