UNA ORGANIZACIÓN RUSA PRO-DERECHOS HUMANOS DENUNCIA’L RÉXIME EN CHECHENIA
AFP
La organización pro-Derechos Humanos rusa Memorial denunció’l martes lo que calificaron de “réxime totalitariu” en Chechenia de Ramzan Kadyrov, líder prorrusu nesta provincia del sur de Rusia.
“Tá creándose un réxime totalitariu en Chechenia”, afirmó a los periodistes Oleg Orlov, miembru de Memorial, na presentación d’un informe sobre la situación de los Derechos Humanos nesa provincia.
Kadyrov instauró un clima de “miéu” en Chechenia, comparable al “terror de los años 30” del réxime de Stalin.
L’informe asegura que’l 80% de les noticies na televisión chechena son sobre Kadyrov, y afirma tamién que los ingresos de la xente d’a pie son requisaos pa proyectos públicos. Sigún Orlov, “los salarios de los trabayadores retiénense a veces (poles autoridaes chechenes) pa pagar la reconstrucción de Grozni, o pa pagar fiestes”.
Hai tovía casi 2.000 persones en viviendes provisionales, mientres que los refuxaos que fuxeron de los enfrentamientos armaos tuvieron peleando contra les alministraciones d’otres partes de Rusia pa poder rexistrase, sigún Svetlana Gannouchikina, otra miembro de Memorial.
Orlov citó dalgunes meyores na situación de los Derechos Humanos, como un menor númberu de secuestros y casos de tortura. La bombardeada capital chechena, Grozni, tá siendo ampliamente reconstruida, añadió.
Chechenia foi arrasada durante les dos campañes militares ruses de los últimos años, dirixíes a aplastar el movimientu independentista. Los ataques a pequeña escala con táctiques de guerrilla son tovía frecuentes na provincia.
Esbilla
del.icio.us
Nun hai comentarios »