“VOZ DE BESLÁN”-Y PIDE A PUTIN QUE PARE’L PROCESAMIENTU CONTRA ESTA ORGANIZACIÓN
Caucasian Knot
La organización “Voz de Beslán” asoleyó na so páxina web un llamáu dirixía a Vladimir Putin, presidente de la Federación Rusa, nel que-y pide que “s’involucre personalmente nel casu y detenga’l procesamientu” de los miembros de la organización. Esta petición presentóse nun comunicáu fechu pola ONG ayeri llunes y firmáu pola so directora, Emma Tagaeva.
“Voz de Beslán” dirixóse a Putin dempués de que la organización recibiere una citación de Kh. Aushev, Fiscal en funcionaes de la ciudá de Nazrán, (República d’Inguxetia), presentada al tribunal federal del distritu de Nazrán por supuestos conteníos estremistes nos materiales del colectivu.
“Dende’l momentu de la notificación, los miembros de la nuesa organización –les víctimes de los actos de terror en Beslán- vienen padeciendo numberosos actos de presión: rexistraron la nuesa oficina violentamente, y los intentos por zarrar la nuesa organización mediante métodos illegales son constantes dende los tribunales”, afirma’l comunicáu. “Finalmente el fiscal del distritu de Nazrán asoleyó una declaración sobre la nuesa supuesta difusión de “materiales estremistes”. N’opinión del fiscal del Estáu, el nuesu llamáu a la Comunidá Internacional en 2005 fue una demostración d’estremismu, nel que basó l’acusación en contra de nueso por complicidá col terrorismu”, aseguró Tagaeva. Y sentenció: “Pensamos que yes culpable de la muerte de los nuesos fíos, pero, ¿ye eso una demostración de terrorismu?”.
“Les víctimes, abandonaes a mercé de la so suerte sufren unes condiciones dures. Nun hai denguna llei de víctimes d’actos terroristes. Nós enviámoste a ti, presidente de la Federación Rusa, la nuesa propuesta d’adoptar una llei especial pa les víctimes d’actos terroristes”, señala Tagaeva, “pero les nueses demandes siguen ensin rempuesta”.
Esbilla
del.icio.us
Nun hai comentarios »