Conceyu Asturianu de Solidaridá con Chechenia

AP

El políticu austríacu d’estrema derecha Joerg Haider desixió esti sábadu una moratoria inmediata de les concesiones d’asilu a inmigrantes chechenos, a los que acusó de cometer delitos sexuales y de xenerar violencia nel país alpinu. Nun comunicáu redactáu con un pallabreru perduru, Haider –antiguu líder del Partíu de la Llibertá, d’estrema derecha- acusó al gobiernu austríacu de dexadez al aprobar casi’l 70% de toles peticiones d’asilu feches por persones llegaes de la rexón independentista rusa. Haider acusó a los solicitantes chechenos d’asilu de “violencia desmesurada” na sureña provincia de Carintia, na que ye’l Gobernador, y acusó a los chechenos del incrementu nel númberu de violaciones y otros delitos sexuales na provicina de l’Alta Austria.

Los chechenos, sigún Haider, tienen “un eleváu potencial pa la violencia” y nun se-yos debería permitir la entrada n’Austria. Tamién tamién apuntó a les autoridaes austríaques, aduciendo a lo que, sigún él, ye “el fallu dafechu del Ministru austríacu del Interior, que ye’l responsable de la seguridá de los austríacos”. Hasta’l momentu nun hai rempuesta oficial de los funcionarios del Ministeriu. Haider afirmó que yera “incomprensible” qu’Austria-y concediera asilu a más de 2.000 chechenos l’añu pasáu. Al mesmu tiempu, añadió, naciones vecines como Eslovenia nun dieron de pasu nin una sóla petición. Haider aseguró que hai cada vez más chechenos que lleguen a Austria y piden un permisu de residencia dempués de que los controles de frontera de la Xunión Europea fueren desmantelándose a lo llargo la frontera del país colos nuevos miembros de la XE, Hungría, Eslovaquia, Eslovenia y la República Checa.

Haider, que fundó en 2005 una formación más moderada, l’Alianza pal Futuru d’Austria, ye perconocíu poles sos mofes contra los xudíos y por defender dalgunes de les polítiques de Hitler cuando yera’l cabezaleru del Partíu de la Llibertá.

Esbilla | del.icio.us

Dexar un comentariu