Conceyu Asturianu de Solidaridá con Chechenia

Caucasian Knot
A les 9 la tarde del pasáu miércoles, 9 de Xineru, había yá compilaes un total de 87.340 firmes dientru la campaña “”Yo nun voté”, firmaes por ciudadanos d’Inguxetia mayores de 18 años que aseguren que nun fueron a votar el pasáu 2 d’Avientu nes elleiciones a diputaos de la Duma Estatal de l’Asamblea Federal de la Federación Rusa.

Asina, les firmes de non participación recoyíes lleguen a la cifra del 54,4% de los votantes d’Inguxetia, lo que permite demostratrar la grave falsedá de les cifres apurríes pola Comisión Ellectoral d’Inguxetia, qu’anunció que más del 98% de los votantes potenciales tomaron parte nes elleiciones, sigún informa’l web ingushetia.ru. Los grupos de verificación tovía nun pasaron por 24 asentamientos temporales de la República pa recoyer más datos.

Los participantes nesta iniciativa destaquen que durante’l procesu de verificación y recoyía de firmes, los residentes na República desplicaben que nun fueron a los colexos ellectorales pol so descontentu cola política de Murat Zyazikov como Presidente de la República, pola corrupción y el caos económicu esistente na República.

Hasta’l momentu mandáronse yá a un bufete d’abogaos 290 volúmenes coles firmes recoyíes ente los residentes d’Inguxetia. Estos volúmenes añadiránse a la petición xeneral que se-y va facer al Fiscal Xeneral Públicu de Rusia pa qu’investigue les falsificaciones nel procesu ellectoral n’Inguxetia y averigüe por qué los firmantes fueron incluyíos ente aquelles persones que recibieron les papeletes y fueron a votar nes elleiciones del 2 d’Avientu pasáu.

Esbilla | del.icio.us

Dexar un comentariu