AFONDA LA CRISIS N’INGUXETIA 07-02-2008 GTM 1 @ 11:52
borz —Los observadores afirmen que la violencia na principal ciudá d’Inguxetia tá entrando nuna espiral fuera de control
Por Umalt Dudayev, en Nazran
El creciente enfrentamientu ente les autoridaes n?inguxetia y un nuevu movimientu d’oposición tá convirtiéndose en violentu y convirtiendo a esta República Autónoma na rexón más inestables del Cáucasu Norte.
La situación xiró a peor el 26 de Xineru dempués de que les fuercies de seguridá inrumpieron violentamente nuna marcha de la oposición na principal ciudá d’Inguxetia, Nazran, y se incendiaren dos edificios.
Esbilla
del.icio.usEL TRIBUNAL EUROPÉU DE DERECHOS HUMANOS ACEPTA DOCUMENTOS DEL COMITÉ “VOZ DE BESLÁN” 07-02-2008 GTM 1 @ 08:42
borz —Caucasian Knot
El Tribunal d’Estrasburgu notificó-y al Comité Públicu “Voz de Beslán” l’aceptación de los documentos qu’evidencien les violaciones de los derechos delles persones afectaes polos actos terroristes de Beslán.
Ella Kesaeva, directora de la “Voz de Beslan” desplica qu’un paquete de 43 kilos de documentos contién “centenares de prebes de residentes de Beslán” y declaraciones d’antiguos rehenes, que fueron feches especialmente pal Tribunal Européu de Derechos Humanos.”
LOS REFUXAOS CHECHENOS PERSIGUEN EL “SUEÑU FRANCÉS” DEMPUÉS DE L’AMPLIACIÓN DE SCHENGEN 30-01-2008 GTM 1 @ 00:50
borz —AFP
Miles de refuxaos chechenos en Polonia tienen namás un sueñu: llegar a Europa Occidental, en particular a Francia, gracies a l’ampliación de la zona Schengen ensin fronteras fai un mes.
“Quiero dir a Francia. Tol mundu equí quier dir a Francia”, afirma Ruslan, un chechenu de cuarentayalgo años que nun quier revelar el so apellíu. Ruslan llegó dende Grozni, la capital de la inredenta república rusa destrozada pola guerra, fai un mes. Agora quier colar del centru de refuxaos de Debak, cercanu a la capital polaca, Varsovia, pa dir a Francia. “Nun podemos vivir equí, les condiciones de vida son mui males. Quiero dir a Francia. Nicolas Sarkozu podría facer dalgo de verdá por nós”, añade.
ENFRENTAMIENTOS EN GROZNI ENTE RESIDENTES EN CAT Y FUNCIONARIOS 29-01-2008 GTM 1 @ 10:04
borz —Por Umalt Chadayev, Prague Watchdog
Díes atrás tuvo llugar un enfrentamientu nun de los Centros d’Acoyía Temporal (CAT) de Grozni ente Persones Desplazaes Internamente (PDIs) y y funcionarios de l’Alministración del distritu. Un miembru del Centru d’Información de la Xunión Chechena d’Organizaciones Non Gubernamentales narró a un corresponsal de Prague Watchdog que l’incidente tuvo llugar nel CAT de la cai Tchaikovsky el pasáu 23 de Xineru. Añadió que, como resultáu del enfrentamientu, dos muyeres que residen nel Centru resultaron con feríes de consideración, y qu’una d’elles tuvo que ser treslladada al Hospital por posibles lesiones medulares.
El pieslles de CATs na República de Chechenia ye un problema recurrente. Les autoridaes prometieron que dengún de les PDIs va quedar ensin un techu nel que abellugase, y que cada familia tendrá una vivienda, bien gracies a les ayudes municipales, bien apurriéndo-yos tierres nes que construyir la so propiedá. Por embargu, la realidá ye bastante diferente.
LA MAYOR PARTE DE LES DEMANDES NEL TRIBUNAL D’ESTRASBURGU CONTRA RUSIA TÁN RELLACIONAOS CON FECHOS ASOCEDÍOS EN CHECHENIA 28-01-2008 GTM 1 @ 13:15
borz —Caucasian Knot
L’informe del Tribunal Europeu de Derechos Humanos, asoleyáu’l pasáu 23 de Xineru, destaca que l’añu pasáu’l Tribunal reveló 175 casos de violaciones de los derechos humanos en Rusia. La mayoría de les demandes cursaes por ciudadanos rusos nel Tribunal d’Estrasburgu taben rellacionaes con fechos asocedíos en Chechenia.
Asina, nes estadístiques del 2007 Rusia ocupa’l segundu llugar ente los países europeos que más condergues tienen por parte del Tribunal Europeu de Derechos Humanos, informa Radio Liberty. El cabezaleru nel númberu de violaciones de derechos humanos reconocíes como tales pol Tribunal Europeu ye Turquía.
LOS INGUXES FAIN ALCORDANZA DE LES PROTESTES POL TERRITORIU 25-01-2008 GTM 1 @ 11:32
borz —Por Liz Fuller
Fai 35 años, el 16 de Xineru de 1973, los inguxes entamaben a concentrase énte los cuarteles en Grozni del Comité del Partíu Comunista de la Xunión Soviética (PCUS) nel Oblast de Chechenia-Inguxetia pa desixir o la tresferencia de la disputada rexón de Prigorodni, na vecina Osetia del Norte, a la República Autónoma Socialista Soviética (RASS) de Chechenia-Inguxetia, o que se aboliere la prohibición a los inguxes de volver a los sus hogares.
Durante los 3 díes siguientes, decenes de miles d’inguxes llegaron a Grozni dende tola República y dende Osetia del Norte. Dalgunos chechenos sumáronse tamién a la concentración como muestra de solidaridá, otros apurríen-yos a los participantes comida y otres coses. Una semeya d’archivu muestra la plaza lliteralmente llena de xente. La concentración pacífica duró 3 díes, hasta que les fuercies de seguridá acudieron el día 19 pela tardey la dispersaron con cañones d’agua. Anque, al contrario de lo que pasó en 1962 nes protestes de los trabayadores de Novocherkassk, nadie foi asesináu, los organizadores y munchos de los participantes perdieron el so emplegu y fueron espulsaos del PCUS, un castigu qu’afectó negativamente a les sos carreres y vides durante los siguientes años.
INTERRUMPIDA LA EDUCACIÓN EN CHECHENIA 23-01-2008 GTM 1 @ 10:31
borz —Por Umalt Chadayev (Prague Watchdog)
El presente iviernu tá siendo, probablemente, ún de los más fríos de los últimos años en Chechenia. En delles escueles interrumpiéronse casi la mitá de les clases por culpa del fríu iviernu.
“Pa describir lo que tá pasando anguañu nes nueses escueles, sólo puedo usar una pallabra: desastre” afirma Seda Karimova, una vecina de Grozni de 44 años, al corresponsal de Prague Watchdog. “Nun hai casi clases en marcha en denguna escuela. En Setiembre, les clases na Escuela de Secundariia nb. 44 (nel distritu Staropromyslovsky de Grozni), a la que va la mi fía, entamaron dos selmanes tarde. Más tarde, por mor de les elleiciones a la Duma Estatal n’Avientu, canceláronse les clases durante casi’l mesmu períodu de tiempu”.
UNA ORGANIZACIÓN RUSA PRO-DERECHOS HUMANOS DENUNCIA’L RÉXIME EN CHECHENIA 17-01-2008 GTM 1 @ 09:34
borz —AFP
La organización pro-Derechos Humanos rusa Memorial denunció’l martes lo que calificaron de “réxime totalitariu” en Chechenia de Ramzan Kadyrov, líder prorrusu nesta provincia del sur de Rusia.
“Tá creándose un réxime totalitariu en Chechenia”, afirmó a los periodistes Oleg Orlov, miembru de Memorial, na presentación d’un informe sobre la situación de los Derechos Humanos nesa provincia.
“VOZ DE BESLÁN”-Y PIDE A PUTIN QUE PARE’L PROCESAMIENTU CONTRA ESTA ORGANIZACIÓN 16-01-2008 GTM 1 @ 09:10
borz —Caucasian Knot
La organización “Voz de Beslán” asoleyó na so páxina web un llamáu dirixía a Vladimir Putin, presidente de la Federación Rusa, nel que-y pide que “s’involucre personalmente nel casu y detenga’l procesamientu” de los miembros de la organización. Esta petición presentóse nun comunicáu fechu pola ONG ayeri llunes y firmáu pola so directora, Emma Tagaeva.
“Voz de Beslán” dirixóse a Putin dempués de que la organización recibiere una citación de Kh. Aushev, Fiscal en funcionaes de la ciudá de Nazrán, (República d’Inguxetia), presentada al tribunal federal del distritu de Nazrán por supuestos conteníos estremistes nos materiales del colectivu.
EL 54,5% DE LOS VOTANTES INGUXES ASEGURA QUE NUN PARTICIPÓ NES ELLEICIONES DEL 2 D’AVIENTU 12-01-2008 GTM 1 @ 23:04
borz —Caucasian Knot
A les 9 la tarde del pasáu miércoles, 9 de Xineru, había yá compilaes un total de 87.340 firmes dientru la campaña “”Yo nun voté”, firmaes por ciudadanos d’Inguxetia mayores de 18 años que aseguren que nun fueron a votar el pasáu 2 d’Avientu nes elleiciones a diputaos de la Duma Estatal de l’Asamblea Federal de la Federación Rusa.
Asina, les firmes de non participación recoyíes lleguen a la cifra del 54,4% de los votantes d’Inguxetia, lo que permite demostratrar la grave falsedá de les cifres apurríes pola Comisión Ellectoral d’Inguxetia, qu’anunció que más del 98% de los votantes potenciales tomaron parte nes elleiciones, sigún informa’l web ingushetia.ru. Los grupos de verificación tovía nun pasaron por 24 asentamientos temporales de la República pa recoyer más datos.
