UN TRIBUNAL D’OSETIA DEL NORTE REFUGA UNA DENUNCIA DE “VOZ DE BESLÁN” 14-03-2008 GTM 1 @ 21:04
borz —Caucasian Knot
El pasáu día 13 el Xulgáu de Promyshlenny, n’Osetia del Norte, refugó la denuncia fecha pola Organización Pública pan-rusa “Voz de Beslán” pa que se reconociere que los esamenes de los cuerpos de les víctimes del actu terrorista ye illegal.
“El Tribunal consideró que les actuaciones de los espertos fueron llegales. Ufriéronnos exhumar los calabres, pero nun quinxeron responder a les nuestres cuestiones. Nun podemos afitar si la carbonización de los cuerpos fue en vida o post-mortem. O la causa de la muerte d’eses persones: esplosivos de fabricación casero de los terroristes o bales de los axentes de seguridá. Esto ye culpa de los espertos ya inspectores. Por embargu, dixéronnos que nun hai llugar a una investigación completa”, afirmó Ella Kesaeva, líder de “Voz de Beslán”, al corresponsal de Caucasian Knot.
Esbilla
del.icio.usRAMZAN KADYROV PON NEL PUNTU MIRA A LOS HERMANOS YAMADAEV 14-03-2008 GTM 1 @ 13:45
borz —Por Andrei Smirnov, pa Chechnya Weekly
Dalgunes persones afirmen que’l líder pro-rusu de Chechenia, Ramzan Kadyrov, controla con firmeza la república y nun tién rivales, polo menos nel bandu chechenu pro-rusu. Por embargu, los conflictos secretos dientro d’esti bandu salen a la lluz de cuandu en cuandu, demostrando que Kadyrov tovía tién competidores en Chechenia.
A finales de 2006 Movladi Baisarov, comandante del escuadrón Gorets (“montañés” en rusu) controláu pol Serviciu Federal de Seguridá (FSB), foi asesináu en Moscú por un axente de Kadyrov. Alredor d’una selmana antes del su asesinatu, Baisarov concedió una entrevista a Moscow News na que criticaba a Kadyrov y fizo mención de dalgunos de los crímenes cometíos polos homes de Kadyrov contra civiles chechenos. El presidente chechenu fue quién, a quitar del medio a Baisarov dempués de que l’asesín de Baisarov fuera sancionáu pol FSB. Los dirixentes del FSB consideraron que Baisarov falara demasiao, y el kontora (nome non-oficial pal FSB en Rusia) yá nun lu necesitaba más.
EL “NEGOCIU SANITARIU” EN CHECHENIA 13-03-2008 GTM 1 @ 09:47
borz —Por Ramzan Akhmadov, pa Prague Watchdog
Pa consiguir recibir tratamientu nos hospitales de Chechenia los pacientes necesiten, penriba de tolo demás, tener perres. Nin la esistencia d’un seguru mélicu obligatoriu, nin la discapacidá nin denguna otra circunstancia-yos salven de tener qu’apurrir a los doctores un incentivu económicu.
“Fai un par de selmanes la mi sobrina, que tién 20 años, taba nel Hospital central de maternidá. Falóme de les práctiques que se facíen allí”, afirma Birlant Matsayeva, una vecina de Grozni de 44 años d’edá. “Tuvo que paga-yos a les comadrones 500 rublos (unos 13,5 euros). Y tola xente camienta que ye una cantidá bastante razonable, yá que otres muyeres embarazaes tuvieron que pagar 3.000 rublos (unos 81,5 euros)”.
MANIFESTACIÓN EN GROZNI CONTRA LA SUSPENSIÓN DE LA CONDERGA A KORGUN 20-02-2008 GTM 1 @ 00:06
borz —Por Ruslan Isayev, Prague Watchdog
Díes atrás tuvo llugar nel centru de Grozni una manifestación de protesta contra la conderga de suspensión de 3 años d’empléu al Teniente Coronel de les tropes ruses del Ministeriu del Interior, Aleksei Korgun, que fai un añu ordenó a los sus subordinaos abrir fueu contra tres muyeres ruses, matando a una d’elles y firiendo a les otres dos.
Unes cien persones, militantes de distintes organizaciones de Derechos Humanos y ONG’s en Chechenia, participaron na manifestación. Dalgunos de los participantes portaben cartelos desixendo una revisión xudicial del veredictu y la imposición d’una conderga menos suave. Los participantes manifestaron la su intención de presentar esta petición nuna apelación a les autoridaes correspondientes.
ENTAMEN UN CASU PENAL N’OSETIA DEL NORTE CONTRA ACTIVISTES DE “VOZ DE BESLÁN” 19-02-2008 GTM 1 @ 23:31
borz —Caucasian Knot
La selmana pasada abrióse un casu penal n’Osetia del Norte contra Ella Kesaeva, Svetlana Margieva y Emilia Bzarova, les principales miembros de la organización “Voz de Beslán”.
El casu penal abriólu la Oficina Rexonal de la Fiscalía basándose en dellos artículos del Códigu Penal de la Federación Rusa: Art. 116 (“Agresiones”), Art. 130 (“Insultos”) y 318 (“Usu de violencia contra miembros de les fuercies de seguridá”).
SUSPENDEN D’EMPLÉU A UN OFICIAL RUSU POL ASESINATU D’UNA MUYER 11-02-2008 GTM 1 @ 10:54
borz —RFE/RL
El Tribunal Militar de la guarnición de Grozni emitió’l pasáu 7 de Febreru una sentencia de tres años de suspensión d’empléu por neglixencia contra Aleksei Korgun, Teniente Coronel de les tropes del Ministeriu del Interior, sigún informó kavkaz-uzel.ru.
Korgun foi declaráu culpable de dar la orden d’abrir fueu el 24 de Marzu de 2007 contra 3 muyeres coles que se cruzó la patrulla de Korgun cerca de la localidá d’Urdyukhoi, nel distritu de Shatoi. Les tropes creyeron, erróneamente, que les muyeres yeren militantes de la resistencia. Una de les muyeres foi asesinada y les otres dos resultaron feríes. Una d’elles quedó inválida de por vida.
CIUDADANOS CHECHENOS DENUNCIEN EL SOBORNU DE FUNCIONARIOS ENCARGAOS DE REPARTIR LES COMPENSACIONES ECONÓMIQUES POLES VIVIENDES DESTRUYÍES 11-02-2008 GTM 1 @ 09:37
borz —Caucasian Knot
Los ciudadanos de Chechenia siguen denunciando públicamente que les compensaciones poles viviendes destruyíes sólo pueden recibise tres el pagu de la mitá de la suma a los burocrátes pol llamáu “otkat” (culatazu).
El periódicu Gazeta (gzt.ru) asoleyó va unos díes que los residentes en Grozni que yá recibieron les compensaciones falen de qu’hai dos menes de consiguir les perres. La primer variable, non mui fiable, ye acceder al sobornu de pagar, como adelantu, 30mil rublos (835 euros). La segunda ye más fiable: sólo ye necesario entregar les perres dempués de la recepción de les mesmes. Los intermediarios más habituales na “transacción” son los mesmos funcionar encargaos de facer los pagos de les compensaciones, sigún afirma’l periódicu. A menudu eses perres de los sobornos dilúyense ente les filiales del Rosselkhozbank, que ye l’encaráu de les operaciones de pagu de compensaciones.
“VOZ DE BESLÁN” CAMBIARÁ DE NOME, PERO NUN SERÁ REXISTRADA 11-02-2008 GTM 1 @ 08:44
borz —Caucasian Knot
La organización pública “Voz de Beslán” tá cambiando’l so nome a “Voz de Beslán”-Organización Pública de toa Rusia de Víctimes d’Actos Terroristes. Los miembros del Comité tán seguros qu’una organización pública d’esta triba ensin rexistru ye posible baxo l’artículu 3 de la Llei Federal d’Asociaciones Públiques.
“De xuru que nun vamos ser inscritos nel rexistru, yá que baxo l’actual falta de llegalidá y el control dafechu sobre los disidentes, el rexistru d’una organización pública fáese cola arbitrariedá de les autoridaes, y ye una mena de silenciar la llibertá d’una asociación de voluntarios” afirma’l comunicáu de “Voz de Beslán”.
INTENTEN ILLEGALIZAR LES ONG CHECHENES 09-02-2008 GTM 1 @ 19:48
borz —Umalt Chadayev, pa Prague Watchdog
La delegación en Chechenia del Serviciu Federal del Rexistru rusu tá intentando la illegalización de la Xunión d’Organizaciones Non Gubernamentales (XONG), un grupu que difunde información sobre la situación de los derechos humanos en Chechenia ya Inguxetia.
El grupu foi acusáu nun principiu de cometer inregularidaes alministratives, y a éstes acusaciones se-y añade agora la de “incitación al odiu étnicu”.
DERRAME DE PETRÓLEU NEL CASPIU TRES ROMPER UN OLEDUCTU NEL SUR DE RUSIA 07-02-2008 GTM 1 @ 18:37
borz — Tags: RusiaRIA Novosti
Los test de llaboratoriu confirmen que’l petróleu derramáu nel Mar Caspiu tienen el su orixe nel reciente accidente nun oleoductu na república rusa norcaucásica de Daguestán, afirmó un portavoz d’un llaboratoriu local esti miércoles.
L’oleoductu rompió’l pasáu 3 de Febreru a unos 20 kms. de la localidá daguestaní de Belidzhi, causando’l derramamientu d’unes 100 tonelaes métriques de crudu del oleoductu, de les que 5 tonelaes métriques fueron a parar al ríu Rubas, que desemboca nel Caspiu.
