UNES 5.000 PERSONES SECUESTRAES EN CHECHENIA DENDE 1.994 05-07-2008 GTM 1 @ 21:47
borz —RIA Novosti
Cinco mil persones secuestraes na República de Chechenia, nel Cáucasu Norte, dende 1.994, sigún aseguró’l pasáu miércoles el Defensor del Pueblu de Chechenia.
Nurdi nukhazhiyev aseguró, durante una conferencia interdepartamental en Grozni, la capital de Chechenia, que “en total, sigún los nuesos datos, hai una llista colos nomes de 4.825 persones desapaecíes o secuestraes dende 1.994”. La conferencia tenía como oxetivu afitar el trabayu de les axencies de seguridá pa la busca de persones desapaecíes na república.
Esbilla
del.icio.usLOS REFUXAOS CHECHENOS QUIEREN COLAR D’AZERBAYÁN 26-06-2008 GTM 1 @ 12:12
borz —Caucasian Knot
Un comunicáu asoleyáu va pocos díes pol su serviciu de prensa, el Conceyu de Refuxaos Chechenos n’Azerbayán asegura que los refuxaos que viven anguañu n’Azerbayán quieren colar d’esti país por considerar que la su vida y llibertá tán menaciaos.
“Pesie a tolos alcuerdos internacionales, Azerbayán deportó de nueu a un refuxáu chechenu, nesti casu a Suleiman Ayubov, a Rusia ensin denguna investigación nin xuiciu”, afirma’l comunicáu.
ACTIVISTES DE DERECHOS HUMANOS DESCUBREN UNA FOSA COMÚN EN CHECHENIA 23-06-2008 GTM 1 @ 15:51
borz —Reuters
El pasáu vienres activistes de Derechos Humanos informaron del descubrimientu d’una fosa común con unos 800 cuerpos, la mayoría d’ellos de civiles, en Grozni, la capital de Chechenia.
Sigún afirmó Rosa Satuyeva, vocera de Nurdi Nukhadzhiyev representante pa los Derechos Humanos en Grozni, “un ciudadanu de Grozni, Arbi Tuzhayev, pidió-y a Nukhadzhiyev que se señalare’l sitiu del cementeriu cristianu de la ciudá onde fueron enterraes unes 800 persones ente’l 2 de Xineru y el 31 d’Ochobre de 1995”.
MEDIU MILLÓN DE DESEMPLEAOS EN CHECHENIA 15-05-2008 GTM 1 @ 07:58
borz —Kavkaski Úzel
Un total del 76,9% de la población activa tá en situación de paru en Chechenia, siendo’l númberu de desempleaos superior al mediu millón de persones.
Sigún el representante del Ministeriu de Trabayu y de Desarrollu Social de la República na su entrevista al corresponsal del “Kavkazski Úzel” el númberu total de desempleaos ye anguañu de 511.536 persones.
LA POLICÍA CHECA DETIÉN A DELLOS REFUXAOS CHECHENOS NA FRONTERA 25-04-2008 GTM 1 @ 08:08
borz —La policía checha detuvo’l pasáu martes a siete refuxaos chechenos, ente los qu’había 3 nenos pequeños, cerca del pasu de la frontera austro-checa de Mikulov-Drasenhofen, sigún informó a CTK el pasáu miércoles un portavoz policial.
Esti yera, probablemente, el grupu más grande de refuxaos deteníos cerca de la frontera dende que la República Checa se xunió al área Schengen n’Avientu de 2007, añadió.
ACTIVISTES DE DERECHOS HUMANOS DESIXEN-Y AL ESTÁU ESPAÑOL QUE NUN DEPORTE AL REFUXÁU GASAEV A RUSIA 08-04-2008 GTM 1 @ 09:16
borz —Vyacheslav Feraposkhin, Caucasian Knot
Activistes de derechos humanos desixen-y al Estáu espaol que “nun-y prive a Gasaev del últimu abellugu”. Esti ye’l títulu del comunicáu conxuntu que les organizaciones MAShR, Comité Chechenu de Salvación Nacional y el Comité p’Asuntos de los Migrantes Forzosos asoleyaron sobre’l casu de Murad Gasaev.
El 24 Marzu fízose pública la decisión d’un tribunal español d’estraditar a Murad Gasaev, nacíu en 1974, a Rusia polos cargos que-y imputen les fuercies de seguridá de la Federación Rusa de participar nun ataque lleváu a cabu nel branu de 2004 por fuercies armaes illegales contra les fuercies de seguridá d’Inguxetia.
EL COMITÉ CHECHENU DE SALVACIÓN NACIONAL PROTESTA POLA POSIBLE ESTRADICIÓN DE MURAT GASAEV A RUSIA 28-03-2008 GTM 1 @ 11:46
borz —El 21 de marzu, el presidente’l Comité Chechenu de Salvación Nacional, Ruslán Badalov, asoleyó una declaración na qu’espresaba la su protesta pola posible estradición de Murat Gasaev del Estáu español a Rusia. Sigún la información espublizada nos medios de comunicación, Gasaev foi deteníu nel Estáu español n’Avientu de 2006, siguiendo la solicitú de la Fiscalía Xeneral rusa, que lu acusa de participar en dellos atentaos terroristes en Rusia.
“Conozo a Murat Gasaev dende que yera nenu, vílu crecer. Fuí presidente’l Comité de deportes de la república Checheno-Ingushetia, y por eso conocía y tenía una gran amistá col pá de Murat, Ahmet Gasaev, Entrenaor Eméritu de la Federación rusa. Por cierto, Murat ye amás un gran deportista, y tién el títulu de Mayestru de Deportes en llucha grecorromana.
UN COMPAÑERU DE CLASE DE PUTIN SERÁ’L CABEZALERU D’UNA AXENCIA ANÁLOGA AL FBI 19-03-2008 GTM 1 @ 11:00
borz —AIA
Esta prósima seronda va creáse en Rusia una axencia, que llevará’l nome de Serviciu Federal d’Investigaciones (FSR nes sigles en rusu), análoga al FBI americanu, y que va centralizar nun baxo un mesmu techu a tolos axencies d’investigación de tolos “departamentos oficiales”, sigún informa’l diariu moscovita RBC. La creación d’esta nueva axencia aprebóse al más altu nivel.
FERÍU UN ADOLESCENTE N’URUS-MARTAN POL ESPAÑÍU D’UNA MINA 19-03-2008 GTM 1 @ 09:17
borz —Itar-Tass
L’españíu d’una mina na rexón chechena d’Urus-Martan causó feríes a un mozu de 18 años, sigún informó una fonte del Ministeriu chechenu del Interior a Itar-Tass.
L’adolescente taba recoyendo puerros silvestres cuando españó la mina, que-y causó feríes na pierna.
Sigún la Oficina chechena del Ombdusman de Derechos Humanos, les mines y les bombes ensin detonar firieron yá a más de 3.000 persones, 574 d’elles muyeres (de les que morrieron 100), 2.494 homes (604 muertos) y 754 neños y neñes (131 muertos/es).
LOS DESPLAZAOS INTERNOS DE CHECHENIA VÉNSE PRIVAOS DEL SU STATUS 18-03-2008 GTM 1 @ 08:47
borz —Muslim Ibragimov, pa Caucasian Knot
Nun queden yá Puntos de Residencia Temporal (PRT) pa desplazaos internos nel territoriu de la República de Chechenia. Dende esti momentu los PRT’s tienen la denominación oficial de “dormitorios” y les persones que viven nellos la de “persones que necesiten meyorar les sus condiciones de vida”.
Asina-y lo fizo saber a un corresponsal de Caucasian Knot un trabayador d’una de les organizaciones non gubernamentales locales. La lliquidación formal de los PRT’s podría causar la paralización de l’ayuda humanitaria a les persones que viven nellos.
