Conceyu Asturianu de Solidaridá con Chechenia

Itar-Tass

L’españíu d’una mina na rexón chechena d’Urus-Martan causó feríes a un mozu de 18 años, sigún informó una fonte del Ministeriu chechenu del Interior a Itar-Tass.

L’adolescente taba recoyendo puerros silvestres cuando españó la mina, que-y causó feríes na pierna.

Sigún la Oficina chechena del Ombdusman de Derechos Humanos, les mines y les bombes ensin detonar firieron yá a más de 3.000 persones, 574 d’elles muyeres (de les que morrieron 100), 2.494 homes (604 muertos) y 754 neños y neñes (131 muertos/es).

Lleer el restu d'esta entrada

Por Andrei Smirnov, pa Chechnya Weekly

Dalgunes persones afirmen que’l líder pro-rusu de Chechenia, Ramzan Kadyrov, controla con firmeza la república y nun tién rivales, polo menos nel bandu chechenu pro-rusu. Por embargu, los conflictos secretos dientro d’esti bandu salen a la lluz de cuandu en cuandu, demostrando que Kadyrov tovía tién competidores en Chechenia.

A finales de 2006 Movladi Baisarov, comandante del escuadrón Gorets (“montañés” en rusu) controláu pol Serviciu Federal de Seguridá (FSB), foi asesináu en Moscú por un axente de Kadyrov. Alredor d’una selmana antes del su asesinatu, Baisarov concedió una entrevista a Moscow News na que criticaba a Kadyrov y fizo mención de dalgunos de los crímenes cometíos polos homes de Kadyrov contra civiles chechenos. El presidente chechenu fue quién, a quitar del medio a Baisarov dempués de que l’asesín de Baisarov fuera sancionáu pol FSB. Los dirixentes del FSB consideraron que Baisarov falara demasiao, y el kontora (nome non-oficial pal FSB en Rusia) yá nun lu necesitaba más.

Lleer el restu d'esta entrada

Por Ramzan Akhmadov, pa Prague Watchdog

Pa consiguir recibir tratamientu nos hospitales de Chechenia los pacientes necesiten, penriba de tolo demás, tener perres. Nin la esistencia d’un seguru mélicu obligatoriu, nin la discapacidá nin denguna otra circunstancia-yos salven de tener qu’apurrir a los doctores un incentivu económicu.

“Fai un par de selmanes la mi sobrina, que tién 20 años, taba nel Hospital central de maternidá. Falóme de les práctiques que se facíen allí”, afirma Birlant Matsayeva, una vecina de Grozni de 44 años d’edá. “Tuvo que paga-yos a les comadrones 500 rublos (unos 13,5 euros). Y tola xente camienta que ye una cantidá bastante razonable, yá que otres muyeres embarazaes tuvieron que pagar 3.000 rublos (unos 81,5 euros)”.

Lleer el restu d'esta entrada

Por Umalt Chadayev (Prague Watchdog)

El presente iviernu tá siendo, probablemente, ún de los más fríos de los últimos años en Chechenia. En delles escueles interrumpiéronse casi la mitá de les clases por culpa del fríu iviernu.

“Pa describir lo que tá pasando anguañu nes nueses escueles, sólo puedo usar una pallabra: desastre” afirma Seda Karimova, una vecina de Grozni de 44 años, al corresponsal de Prague Watchdog. “Nun hai casi clases en marcha en denguna escuela. En Setiembre, les clases na Escuela de Secundariia nb. 44 (nel distritu Staropromyslovsky de Grozni), a la que va la mi fía, entamaron dos selmanes tarde. Más tarde, por mor de les elleiciones a la Duma Estatal n’Avientu, canceláronse les clases durante casi’l mesmu períodu de tiempu”.

Lleer el restu d'esta entrada

Nome: República de Chechenia / Ichkeria (topónimu en chechenu)

Capital: Grozni / Djovkhar Ghaala (topónimu en chechenu)

Superficie de la República Chechena: 15.800 km2 (Asturies tién 10.564 km2)

Población: Anque nun esisten datos fiables del too sobre’el númberu d'habitante na república, se calcula que nel añu 1992 la población yera de 1.000.000 d'habitantes. Sigún l'últimu censu del Gobiernu Rusu, nel 2002 el númberu d'habitantes en Chechenia yera de 1.100.300. ¿Cómo ye posible que la población aumentare dempués de dos guerres? Les cifres de muertos son perdiferentes sigún la fonte: dalgunes fontes calculen que morrieron 250.000 civiles, otres falen d'ente 90.000 y 135 000 persones, de les que 30.000 seríen militares y’l restu población civil.

Economía: Antes de la guerra basábase na ganadería nes zones de montanña y na agricultura y la industria petrolífera nes zones llanes. Anguañu hai un 80% de paru.

Tradición relixosa: Musulmanes sunites.

Grupos étnicos: Chechenos, Rusos, Inguxes.

Llingua: Chechenu y rusu