Conceyu Asturianu de Solidaridá con Chechenia

Comunicáu de Memorial

Güei asesinaron a la nuesa collacia y colega, una persona percercana.

Durante casi 10 años Natasha trabayó pa Memorial nel Cáucasu Norte, centrándose especialmente en Chechenia. Natasha nun se dedicaba sólo a recoyer información sobre violaciones de los drechos humanos na zona: yéra una Activista con mayúscules, una gran defensora del Pueblu. Mientres los habitantes de Chechenia se convertíen en víctimes de bombardeos, de “llimpieces”, de secuestros y tortures, Natasha intentaba ayudalos a toos. Desixía un imposible a les autoridaes: acabar cola impunidá. De xemes en cuando consiguíalo. Sentise segura de los sus razonamientos y del drechu que la amparaba-y daba fuercies. Esti trabayu fizo que Natasha fuere conocía en toa Chechenia. Atraía a la xente que buscaba protección, anque fuere pa intentar que la impunidá nun quedare silenciada.

Lleer el restu d'esta entrada

Mike Eckel, p’Associated Press (AP)

Una conocía activista rusa que investigaba secuestros, asesinatos y otres violaciones de los Drechos Humanos foi alcontrada muerta esti miércoles, hores dempués de ser secuestrada na capital chechena, sigún informaron fuentes policiales y de la su organización.

El cuerpu de Natalya Estemirova apaeció n’Inguxetia, república asitiada al oeste de Chechenia, informó Oleg Orlov, cabezaleru de Memorial, la su organización, a Associated Press. El cuerpu tenía dos feríes de bala na tiesta y foi atopáu non mui lloñe de la principal ciudá ingux, Nazrán, afirmó la vocera del Ministeriu del Interior d’Inguxetia, Madina Khadziyeva.

Lleer el restu d'esta entrada

Jamie Glazov, pa FrontPageMagazine.com

FrontPage entrevista nesta ocasión a Yelena Maglevannaya, una periodista de Volvograo que pidió asilu políticu en Finlandia fai delles selmanes. Sufre persecución en Rusia por escribir sobre les tortures a chechenos en prisones ruses. Tamién fizo campaña en defensa de presos políticos como Mikhail Trepashkin, y desixó la derogación de les Lleis de Xunetu de 2006 que permiten al Kremlin asesinar a los enemigos de Rusia, amás de xestionar una web dedicada a la memoria d’Alexander Litvinenko.

Fálanos de los fechos que te ficieron colar de Rusia.

La principal razón pola que decidí colar de Rusia foi la menacia a la mio llibertá, incluso a la mio vida, si yo quedaba allí. Les autoridaes taben fabricando cargos penales contra mí desque refugué acatar la inxusta sentencia xudicial d’asoleyar una refutación de los mis artículos y pagar “daños y perxuicios por difamacion” a los guardies de la prisión. Amás, recibí menacies d’organizaciones nacionalistes ruses, yá que yo defendía los drechos de los chechenos, “enemigos de Rusia”. El FSB citóme en delles ocasiones por “entrevistes” y alvirtióme de que podría correr un gran peligru si nun dexaba de facer eses entrevistes. Too esto llevóme a tomar la decisión de colar.

Lleer el restu d'esta entrada

Caucasian Knot

El pasáu 8 de Xunetu, Día de la Familia, familiares de persones desapaecíes ficieron un actu públicu nes cercaníes del monumentu a los periodistes fallecíos, en Grozni. La movilización foi convocada pola organización “Busca de Persones Desapaecíes”.

Tamara Kamirova, cabezalera d’esta ONG, lleva, como otres madres, munchos años buscando al su fíu, que foi prindáu una nuechi na su casa y lleváu nun vehículu blindáu de tresporte de tropes. Esisten dellos miles de madres como ella na república, sigún afirmó Natalia Estemirova, miembru de la organización Memorial, a Caucasian Knot.

Lleer el restu d'esta entrada

Les autoridaes federales ruses y chechenes han parar darréu los incendios de cases y otros castigos colectivos contra familiares de supuestos insurxentes en Chechenia, y emprenda les aiciones necesaries pa que los perpretadores de violaciones de Drechos Humanos na rexón rindan cuentes énte la Llei, afirmó Human Rights Watch nun comunicáu asoleyáu la selmana pasada.

L’informe de 53 páxines, tituláu “Lo que los sus neños-y entrugarán: punitivos incendios de cases en Chechenia”, documenta una pauta d’incencios de cases a cargu de les fuercies de seguridá pa castigar a les families poles supuestes aiciones de los sus familiares.

Lleer el restu d'esta entrada

Caucasian Knot

Les autoridaes chechenes usen nueves formes de presionar a la guerrilla independentista: los sus familiares tán viéndose privaos de les ayudes a los neños y les pensiones, sigún informa Natalia Estemirova, miembru de la oficina en Groznu de la organización pa los Drechos Humanos Memorial.

La oficina en Chechenia de Memorial recibió la llamada de delles persones. Asinamesmo, los activistes polos Drechos Humanos dirixéronse a la Fiscalía informándo-y sobre l’impagu de les pensiones y otres ayudes. “Yá nos diriximos a la Fiscalía del distritu d’Achkhoi-Martan y agora tamos preparando una quexa a la Fiscalía de Grozni, y esperamos una rempuesta”, afirmó Natalia Estemirova al corresponsal de Caucasian Knot.

Lleer el restu d'esta entrada

La ONU y el Conseyu d’Europa, a quien l’Audiencia Nacional encomendó’l su control, desentiéndense del presu

Pueden queda-y hores d’estancia n’España. El Conseyu de Ministros alcordó’l pasáu 12 d’Avientu la estradición a Rusia del chechenu Murat Ajmedovich Gasayev, acusáu pola fiscalía d’esi país de mancaures, asesinatu y estragos terroristes, asina como d’integración en banda armada por formar supuestamente parte d’un grupu guerrilleru chechenu. Pero Gasayev será entregado a las autoridades rusas sin que vayan a cumplirse las garantías contra torturas y tratos degradantes acordadas durante el estudio de su caso por la Audiencia Nacional. Los comités contra la tortura de Naciones Unidas y del Consejo de Europa, a los que el tribunal español encomendó el control de las condiciones de reclusión en Rusia, rechazaron hacerse cargo del checheno argumentando que esa vigilancia no se contaba entre sus funciones.

Gasayev fuxó a España en 2005 tres conocer que la fiscalúa rusa lu acusaba d’esos delitos. Namás llegar a Bilbao, onde desembarcó en Xunu d’esi añu, pidió asilu políticu argumentando que, de volver al su país, podría ser oxetu de tortures y malos tratos. Instalóse en Mislata (Valencia), onde foi deteníu’l 1 d’Avientu de 2006 en virtú d’una orden internacional de detención d’un tribunal rusu. Dende entos afáyase en prisión preventiva a la espera de que concluya’l procesu sobre la su estradición que cuerre en paralelu al de la concesión (o non) de la condición de refuxáu.

Lleer el restu d'esta entrada

AP/El País

España acordó ayeri la entrega n’estradición a la Federación Rusa del supuestu terrorista chechenu Murat Ajmedovich Gasayev, pesie a les reitares piticiones pa que nun lo ficiera d’Amnistía Internacional y Human Right Watch, qu’aleguen que será sometíu de nueu a tortures en dichu país. Gasayev tá acusáu pola fiscalía rusa de pertenencia a banda armada, estragos, asesinatu, tentativa d’asesinatu, detención illegal de calter, robu illegal de calter, robu d’usu con finalidá y tenencia d’armes, municiones y esplosivos, too ello con finalidá terrorista. La estradición foi aprobada, sigún informó una portavoz del Ministeriu del Interior, nel Conseyu de Ministros d’esti vienres.

Gasayev foi deteníu na llocalidá valenciana de Mislata n’Avientu de 2006. Llegó’l 3 de Xunu d’esi añu al Estáu español, onde pidiera asilu políticu. El chechenu alegó que dempués de ser deteníu n’Inguxetia a finales d’Agostu de 2004 foi acusáu d’un ataque armáu contra dependencies policiales en dichu territoriu perpetráu nel mes de Xunu d’esi mesmu añu. Dempués de tres díes presu, foi lliberáu nel campu, ensin cargu dengún, dempués de qu’un grupu soldaos simulare que diba fusilalu.

Lleer el restu d'esta entrada

RIA Novosti

Cinco mil persones secuestraes na República de Chechenia, nel Cáucasu Norte, dende 1.994, sigún aseguró’l pasáu miércoles el Defensor del Pueblu de Chechenia.

Nurdi nukhazhiyev aseguró, durante una conferencia interdepartamental en Grozni, la capital de Chechenia, que “en total, sigún los nuesos datos, hai una llista colos nomes de 4.825 persones desapaecíes o secuestraes dende 1.994”. La conferencia tenía como oxetivu afitar el trabayu de les axencies de seguridá pa la busca de persones desapaecíes na república.

Lleer el restu d'esta entrada

Reuters

El pasáu vienres activistes de Derechos Humanos informaron del descubrimientu d’una fosa común con unos 800 cuerpos, la mayoría d’ellos de civiles, en Grozni, la capital de Chechenia.

Sigún afirmó Rosa Satuyeva, vocera de Nurdi Nukhadzhiyev representante pa los Derechos Humanos en Grozni, “un ciudadanu de Grozni, Arbi Tuzhayev, pidió-y a Nukhadzhiyev que se señalare’l sitiu del cementeriu cristianu de la ciudá onde fueron enterraes unes 800 persones ente’l 2 de Xineru y el 31 d’Ochobre de 1995”.

Lleer el restu d'esta entrada